تبين تعرفين جنس الجنين بدون سونار

السلام عليكم ورحمة الله...
حبيت افيدكم من خلالي تجربتي يابنات ومابي منكم الاتدعووووون لي ربي يرزقني الذكر السليم المعافى..
انا عندي ولله الحمد 3بنوتات والحين حامل بالتاسع ربي يهون علي المهم يابنات راجعت بالرابع قالت الدكتوره احتمال ولد وفرحت ولما راجعت بالخامس عند دكتوره ثانيه قالت بنوته طبعا علمت زوجي وانا بالرابع عن كلام الدكتوره وفرح وأيد ولما راجعت بالخامس طلعت وقلت له تقول 60%بنت قال خلاص مانبي نراجع او اذا راجعتي لاتسالي عن الجنس وكان فينب فضوووول اعرف وش حامل فيه ووالله يابنات ماوفرت طريقه بالنت الا عملتها وكلها تطلع ولد يمكن 5او6طرق من موية الملفوف للملح والبول تكرمون وبيكربونات الصوداء كلها ولد ولد حتى وحامي عكس بناتي بناتي حبييييت الحلا وهالمره كرهته وحببت الحوامض والملح وسالت هنا قالن الاخوات باذن الله ولدومواضيع الاخوات اللي تقول تعالي اقولك وش اللي فبطنك من خبرتي وتسال ونجاوب وترد ردن لي ولد الموهم انا حاليا بالتاسع وراجعت امس وقالت لي بنووووته ..والله حمدت ربي وقلت اهم شيء سليمه لاني من ا..لخامس ماراجعت قالت باذن الله فيابنات لاتعبوا حالكم بالتجارب وخلوكم متوكلين ع ربكم سبحانه..وللمعلومه حملي هذا ماكان مخطط له خاصه ظروف وحده من بناتي تعبانه حيل ونراجع بها برى السعوديه ونفسياتنا ماش لكن هالحمله رادها ربي وبكييييت وقمت صليت ودعيت ربي لما صارت السالفه لاني توقعت غير يصير حمل وصرت ادعي ربي انه لوكتب حمل يرزقني مايراه خيرا لي ولزوجي ويرضينا به والحمدلله..ربي بس يكفينا كلام هالناس اللي من الان زوجي يقول كلامهم يجرحني والا انا الحمدلله راضي اتم الرضى......دعواتكم حبيباتي.وللمعلوميه احلامي كلها من سنتين تفسرها بشاره لك بحمل بولد يمكن5رؤى لكن ربي لك الحمد حتى ترضى اهم شيء سلامتها يارب ويفرحني وخواتها وابوها بها