كيفكم صبايا وكروشات وامهات ومدامات وكل شي خخخخ
وحشتوني مووووووت موووووت موووووت
حبيت ابشركم اني ولدت بالسلامه بتاريخ 19 مارس \ 29 صفر
وجبت احلى بنوته بالكون
وسميتها جوري
خذوا سالفة ولادتي
ياطويلين العمر انا من اول مادخلت التاسع والدكتوره تقول لي ان البيبي نازل بوضع المقعده
واذا ما لفت راسها لتحت فأكيد راح يسوون لي عمليه
عاد انا انبسطت والدنيا موب شايلتني من الوناسه
<<< خافت من سوالف الحريم عن الطلق والتوسيع والخياطات
والله وانا ماكذبت خبر وظليت طول التاسع لاحركه ولا بركه
بالموت امي تسحبني امشي معها وامشي عشر دقايق واقعد ازن فوق راسها ابي ارد البيت خخخخخخ
المهم اسبوع بعد اسبوع والبنت مالفت راسها
وحولتني دكتورتي بالاسبوع 39 على استشاريه عشان تحدد لي وقت العمليه
رحت لها وكان وجهها عبوسا قمطريرا مره ماتعطي وجه
مع اني اعرف وحده صارت معها بالدراسه وتقول انه ماكانوا يسمونها الا الرقاصه خخخخخخ
والله لو اني قايله لها اني ادري عن سواياها
وطيحت وجهها في الارض وكسرت خشمها اللي رازته بالسما
المهم سوت لي الاخت في الله السونار وقالت لي ترا المويه اللي حول الجنين قليله مره انتي نزل منك مويه؟
قلت لها لأ
والا تقول لي بولدك قيصريه يوم السبت يعني بعد يومين
وانا اللي وجهي يتقلب على ميت لون
قلت لها لااااااااااااا ماااااااااااابي وش تقولين انتي
انا حاطه ببالي انها بعد اسبووووووووع
قالت لي تحمدين ربك اذا ماسويتها اليوم
بنسوي لك تخطيط لحركة الجنين ونتأكد من المشيمه
واذا كان كل شي اوكي بخليها السبت
واذا مهيب اوكي اليوم شاقينك شاقينك:S_45:
وودوني غرفة التخطيط والنرس مدري وين راحت وعلى طول دقيت على مامي
يماااااااا تراهم بيولدوني اليوم :icon33:
والا النرس جايه وقفلت من عند امي
وامي بغت تموت من الخرعه مسكينه صارت تدق على زوجي
و زوجي حضرته حاط خدمة موجود بجواله وامي صارت تهوجس
سوو التخطيط والحمد لله طلع كل شي تمام
والدكتوره حجزت لي موعد يوم الاثنين لان السبت كانت مشغوله
ورحت يوم الاحد بالليل تنومت بالمستشفى عشان الصبح راح يسوون العمليه
دخلت المستشفى بسم الله ودخلوني على ذيك الغرفة الزينه
ودخلت بدلت ملابسي ولبست لبس المستشفى
واجي انط على السرير نطه عالميه واتسدح عليه واتشقلب
تقل بالبيت ينوموني على الارض خخخخخخخ
<<< مره مبسوطه ماكنت ادري عن البلاوي اللي بتجيني
وكل شوي النرسات رايحين جايين ياخي مايخلون الواحد ينام ورانا شغل الصبح
والساعه 6 الصبح بديت اتنافض يوم جت النرس وحطت لي المغذي بيدي ولبستني قبعة العمليات
(بدا مسلسل الرعب جهزوا الفشار والببسي )
بدت الهواجيس والافكار تلعب فيني
يالخبله احد يتمنى قيصريه؟
يالخبله احد قال لك لاتمشين يمكن الله يهديها وتلف راسها؟
وزوجي ماتسمعين الا شخيره للشارع وانا اخزه بنظرات واقول يابرود اعصاب هالادمي خخخخخ
قام وجلس جنبي ويطخني تصوير بالجوال
عاجبه المنظر شوي يصعد فوق الكنبات ويصور وشوي تحت السرير
وشوي الصوره مايله على جنب
وانا باين بالصور انه محترق دمي
العمليه ثمانيه ونص وباقي خمس دقايق وهو طايح تصوير
جت ثمانيه ونص :icon33:
ماجوا لسه !
ثمانيه و 35 !
ثمانيه و 40 دقيقه !
ناديت النرس وقلت لها متى بيدخلوني خلاص احترق دمي
وماعاد فيني صبر ابي افتك من هالرعب اللي عايشته
الساعه تسعه الا وهم جايين يسحبوني لجنازتي :11retcher
لطعوني ربع ساعه عند باي غرفة العمليات وكل وحده جت عرفتني على نفسها
اللي تقول لي انا اللي بخدرك
واللي تقول انا اللي بستقبل طفلك
واللي بتقعد تزن فوق راسي
وجت الكتوره تمسح على راسي خخخخخخخ
قلت لها ترا انا ابي زوجي يدخل معي
قالت اوكي الحين تدخلين ونسوي لك التخدير وبعدها يبدل لبسه و ندخله
قلت لها ماااااشي
ودخلوني الغرفه لحالي
لونها كله ازرق وباااااااااااااااااااارده مووووت
خلوني جالسه على طرف السرير وجت وحده رفت رقبتي بمشفه دااااااافيه
وانبسطت مره <<< ماتدري انه عشان لاتشوف ابرة الظهر اللي طولها 3 امتار خخخخخخ
مسحت الدكتوره ظهري بمقعم بااااااارد مثل الثلج
ودخلت الابره اللي تموووووووت من الالم
وتقول لك لاتتحركين تراه خطر عليك
وانا ماني قادره اتحمل لانها طولت وهي تدخل الابره يمكن خمس دقايق
والالم يمتد طول الحبل الظهري للدماغ
شوي خلصت وتسدحني على سرير العمليات
ويحطون قدام صدري شاشه زرقا عشان لااشوف اللي بيصير
وكل شوي تقول لي تحسين بتنميل
اقول لها لا
اخر شي حسيت بالتنميل يمشي في رجليني شوي شوي
وانا ميته خووووووووووووووووووف
وادور زوجي لسه مادخل
سئلتهم عنه قالوا لي انه يبدل ملابسه
والدكتوره تسئلني تحسين بشي
انا: ايوه
الدكتوره: وش تحسن فيه؟
انا: احس بمثل الضغطات
الكتوره: لا هذا عادي بتحسين فيه طول العمليه
انا: طيب وين زوجي؟
الدكتوره: ماادري انا بلغته يلبس
وبدت تشقق وتعفس
انا مااحس الا بخضخضه
مرت ربع ساعه وزوجي ماجا وانا بغيت اصيح
الدكتوره: مبروك بديت اشوف البيبي
انا: ....... وين زوجي تهئ تهئ
خمس دقايق الا بنوتتي طلعت ووروني اياها وعلى طول طلعوا بها غرفه ثانيه الا زوجي جاي
اشوا انه شافها قبل مايروحون
وجا جلس جنبي ويمسح على راسي وخدودي
وانا بديت مااحس للي حولي
يصحيني اناظر عيونه وارد ادوخ ولا احس بشي
وبعدين بديت اشم ريحة باربكيو من جهة الدكتوره خخخخخخ
اثاريها قاعده تكبس الرحم
وبعدها الخياطه الخارجيه
وودوني بعدها لغرفة التقييم وجابوا لي بنوتتي وخلوني ارضعها مع اني دايخه ومو حاسه للدنيا
وبعدها ودوني لغرفتي ولقيت اهلي ينتظروني ومره انبسطت منهم
طبعا نصفي اللي تحت لسه مخدر وانا مو حاسه بشي
وقمت اتطنز واقول بس؟ هذي القيصريه اللي تقولون؟ ماتعور خخخخخخخ
والله ويروح التخدير وصرت اتلوى من الالم
وتوته توته خلصت الحتوته
ادعولي ولبنوتتي وزوجي الله يسعدنا دنيا واخره
وقبل لا انسى تفضلوا الحلى والقهوه
ومبروك البنوته
خوش قصه
:)