بسم الله الرحمن الرحيم
السلام عليكم ورحمة الله وبركاته
كيف حالكم يا شيخات وسيدات أعمال؟؟؟؟؟؟؟؟؟؟؟
هذا الموضوع كتبته بمجهودي الشخصي وأتمنى اذا تم نقله أن يكتب المصدر..
مع العلم أن الموضوع تم نشره في منتدى اخر أنا مشرفة فيه بس لأني والله أحبكم يا بنات حواء وأتمنى لكل سيدة أنها تنجح وتحقق ذاتها ويكون لها دخل كتبته في هالمنتدى الرائع..
بداية يا سيدات الأعمال الحلوات..
طبعا ما ينفع تكونين شيخة وما عندج مصروف والا راتب كبير تصرفين منه ...صح؟؟؟:eek:
وما ينفع بعد تكونين شيخة وعليج رئيسة تمللج بتشرطها وبتحكمها؟؟؟:09:
أدري بتقولون الراتب الحكومي مضمون بس صدقوني مثل الشغل الخاص مافي.......
أولا تحسين أنج مبدعة وبتسوين الشغل بالطريقة اللي تبينها مو حد يفرض عليج.........
ثانيا بتطلع كل المواهب اللي فيج وتحسين نفسج منطلقة ومتحمسة في شغلج...
ثالثا اذا الله وفقج ونجح مشروعج بيكون العائد المادي أكبر بكثير من الراتب اللي مايتحرك..
وطبعا في احتمال الخسارة بس اذا انتي غاوية الشي مو مهم أهم شي انج ما تكونين متدينة من البنك وثاني شي ما تحطين كلللل فلس في مشروع واحد لا نوعي (لا تضع كل البيض في سلة واحدة)
يعني شي خليه في أسهم (مع اني ما احبها انقرصت منها واجد)
وشي خليه وديعة
وشي خليه شراكه مع حد من قرايبج في أرض
وشي العبي فيه اوووووووووووه اسفه قصدي دخلي فيه مشروع
عاد بنات لازم نكون جديين في الموضوع يعني غالب البنات يتخوفون من الخسارة في التجارة بس عادي عندهم يخسرون ثلاث أرباع فلوسهم في الأسهم
والله اني شفت ناس كانوا يشتغلون عند الأهل اللي سواق واللي صبي قهوة وتدرين الحين صاروا من كبار التجار !!!!!!!!!!!!!!!!!!!!
وأصحاب المناصب البرستيج ما نفعهم تموا على نفس الراتب اللي صج انه عالي بس أبدا ما يكفي في هالحياة الغالية..
والحلوات اللي ماعندهم راس مال بقولهم انتو في المنحنى الخطر خاصة الموظفات ........
شلون موظفة وما جمعتيلج شي؟؟؟؟؟
الغلطة اللي نسويها كلنا ان احنا نصرف كلللللللل اللي عندنا بدون ما نوفر ولا حاجة طيب اعتبري صار عندج خصم 10% ايش راح تسوين ؟؟؟؟؟؟؟؟؟
بتعيشين طبعا وبتستمر الحياة؟؟؟
بس أحنا اول ما يزيد الدخل شوي زاد صرفنا بعد معاه (علاقة طردية)....لا وما نصرف عالقد الا في الغالب يجي 20 من الشهر والجيب فاضي صح؟؟؟؟؟؟؟؟
أول قاعدة يالتاجرات وفري 10% من دخلج.....
تابعونا وفالكم طيب
بنت الدوحة2000 @bnt_aldoh2000
عضوة نشيطة
تبين تكونين سيدة أعمال وشيخة نفسج؟؟أدخلي :) موضوع مهم جدا
420
106K
يلزم عليك تسجيل الدخول أولًا لكتابة تعليق.
أممممممممممممممممممم
موضوع رائع
بس
شلون اقدر ادخر عشرة في المية
حتى الجمعية الليندخر فيها ننطر موعدها بفارغ الصبر
حتى لو مالنا حاجة فية
ننتظر بااقي الموضوع
ومتابعين
موضوع رائع
بس
شلون اقدر ادخر عشرة في المية
حتى الجمعية الليندخر فيها ننطر موعدها بفارغ الصبر
حتى لو مالنا حاجة فية
ننتظر بااقي الموضوع
ومتابعين
الصفحة الأخيرة
و متابعين لك ,,
استمري ..