انا بيوم من الايام قررت انحف رغم اني رشيقه وجسمي جدا مناسب
وهذا الكلام قبل اكثر من سنه
كان وزني وقتها 57
بس حبيت انزل الى 55قريبا
الموهم
صرت امشي كل يوم اكثر من نص ساعه
مشي فقط بدون رجيم
بس انا نوعيتي من الناس الي اكلي قليل جدا يعني اكثر شي 3 وجبات باليوم
وكنت اخبص واكل شوكولاتات وشبس وكولا
بس مو بكثره
كانت تمشي معي وحده الله يذكرها بالخير ومع المشي تكثر هذرة الحريم:a_smil17:
قالت شوفي بيوم من الايام كنت شوي دبدوبه يعني كانت تقريبا 75
مو فاكره
تقول جربت هاذي العشبه لمدة شهر كل يوم كاس فقط
قبل النوم بس
مع شوية رجيم ومشي
حلفت انها نزلت الى 61في شهر
وقالتلي انها تعرف وحده لها خمس سنين ماحملت وكانت دبدوبه
قالتلها اشربي هاذي العشبه وتعالي امشي كل يوم ان شالله تنحفك وتحملين
والله يابنات انه ماجاء اخر الشهر الا والبنت حامل
سبحان الله هذا بعد قدرة الله
يمكن كان عندها مشاكل والعشبه نظفت بطنها
العشبه طبعا مسهله:3_13_11:
يعني لازم تعوضين بسوائل قدر ماتقدرين
اولا عشان الاسهال اكرمكم الله يجيب جفاف
والماء مفيد قبل كل شي للجسم والبشره
يعني قد ماتقدرين اشربي مويه وعصيرات
والعشبه ذكرها الرسول الف الصلاة والسلام عليه
تبون تعرفونها
هي عشبة السنا مكي
انا قريت عنها كثير انها زينه
واختلفت الاراء في كثرة استخدامها
ناس تقول مو زين كثرتها
وناس تقول اسبوع بس
ونا تقول مره كل سنه
وهذا كلام الدكتور جابر القحطاني عن استخدامها
.د. جابر بن سالم القحطاني
س/ كيف يستخدم السنامكي وهل يفضل شربه يومياً، كما تقول ما هي خلطة تساقط الشعر المكونة من الجرجير وأشياء أخرى؟
ج/ طريقة استعمال السنامكي فهي على طريقتين:
الطريقة الأولى الاستعمال لمكين حيث تؤخذ ثمار السنامكي والمعروفة لدى العطارين بالبذور تؤخذ ثلاث ثمرات وتوضع في كوب ثم يضاف لها حبتا قرنفل (مسمار) ونصف ملعقة صغيرة مسحوق زنجبيل ثم يضاف ماء مغلي حتى يمتلئ الكوب ويحرك ويغطى ولكن ذلك عند الذهاب إلى النوم ويترك ينقع حتى الصباح ثم يصفى ويشرب على الريق ولا يؤكل بعده شيء لمدة ساعتين وبعد ذلك يمكن شرب شاي ساخن أو شربه وهذه الوصفة مرة واحدة في الأسبوع فقط.
أما الوصفة الأخرى وهي مهمة حيث تستخدم أوراق السنا بمعدل قبضة اليد وتوضع في وعاء به ملء كوبين من الماء ثم يغلى على النار لمدة نصف ساعة ويزاح من على النار ويترك مغطى حتى الصباح ويمكن إضافة ملعقة من اليانسون أو السنوت ثم يصفى في الصباح ويشرب على الريق ولا يؤكل أو يشرب بعده أي شيء لمدة أربع ساعات ثم يمكن شرب شاي ساخن وفي الغداء يشرب شوربة فقط ثم يبدأ الإنسان يأكل في العشاء أي شيء ولكن تستبعد اللحوم..
انا بالنسبه لي لمى استخدمتها جابتلي اسهال اكرمكم الله
يعني اي شي اكله برا
طبعا مو زين الاسهال للامعاء بكثره اكيد يسبب مشاكل
استخدمتها اسبوعين فقط ووقفت
طبعا مايجيك الاسهال الا بعد 8 ساعات بعد شربها
يعني انتبهي تشربينها وبعد كم ساعه تطلعين من البيت راح تروحين فيها بقوه
لازم تجلسين بالبيت في اليوم الي تشربينها :35:
ادري كثير راح يقرئون الموضوع ويكتبون تجاربهم
البعض راح يقول زينه والبعض بيذم
انا طبعا كتبت تجربه لا اقل ولا اكثر
يعني ماانصح ولا احذر
بس بقول لاتكثرووووووووووووووووون من الاستخدام عشان الامعاء ماتتعب ويصير مشاكل
والي تبي تستخدمها 3 ايام وتوقف او نفس طريقتي
الحمدالله ماضرتني بشي
واليوم بديت اشربها لاني وقفت رضاعه طبيعيه
وكنت خايفه على البيبي:04::04:
يعني وبختصار هي ممتازه لتنظيف البطن
وسوي بحث عنها واستفيدي
الي تقتنع تستخدمها والي تخاف براحتها
اهم شي ماتجي وحده وتدعي علي
انا كتبت كل شي وبريت ذمتي
لاني ياما سويت خلطات من المنتدى والي مااستفدت منه مستحيل ادعي على صاحبته
لان الي مايفيدك يمكن يفيد غيرك
والي مايضرك يمكن يضر غيرك
ياليت كل المجربات يكتبون النتائج للفائده فقط
استودعتكم الله الذي لاتضيع ودائعه
بنات ادعولي ان الله يردلي اغراضي الي ضاعت :44::44::icon33::44::icon33:
انا استخدم شاي الضيافه كمسهل بس سمعت ان كثرته تجيب فشل كلوي وخفت ووقفت مع اني ارجع له بين فتره وفتره
والله يحمينا من كل شر