حبيباتي انا وحده اكره الخلطات والخرابيط ومره من المرات قريت طريقه وضع نقاط الليمون مع الشاي وكانت تجارب البنات تمدح هالخلطه وكلهم نحفوا وتخلصوا من الكرش منها ولما جربتها لاعت جبدي وقمت استفرغ كرمكم الله لااا وبطني قام يعورني ....
المهم انا وحده كسوله ومااحب الخلطات ولا احب اتعب روحي ( عجاااازه ) ..
عاد اختكم في الله اكتشفت لكم شي حلوووو يمكن تعرفونه بس حبيت الفت نظركم له
تعرفون شنو ؟؟؟؟؟؟
شاي ليبتون الاخضر بالليمون
شاي اخضر ولكن بنكهه الليمون تحصلونه بالسوبرماركت اشربه 3 مرات باليوم ...
طبعا بانت النتايج وانا مالي الا اسبوع احس زنودي وبطني خفو واايد مع اني مو ملتزمه عدل بالريجيم وتقريبا كل يوم اخربط ويومين او ثلاثه كلت فاست فود,, اسوي رياضه لكن ماتزيد عن ثلث ساعه وساعات ما سويها ونقصت خلال هالاسبوع كيلو عاد انا وزني قريب من المثالي لهالسبب ما ينقص بسرعه.
المهم اني لو كنت ماشيه مضبوط عالريجيم والرياضه مع هالشاي كانت النتايج حلووووه لكن ان شاء الله من بكره بلتزم من جديد لان هالشاي عطاني دافع وتحفيز بالاخص اني لما لبست جينزي اليوم حسيته وسيع جهه البطن ....
هذي صوره الشاي حبيباتي ويالله طيران عالجمعيه او السوبرماركت
ماحصلت صورته بالضبط لكن نفس الكتابه موجوده على العلبه مكتوب
lipton clear green
لكن الفرق ان هذي الصوره تحت في الشريط الاصفر مكتوب
green tea citrus
لكن الي عندي مكتوب تحت بالشريط الاصفر
green tea limon
يالله حبيباتي مابي منكم الا دعوات حلوه ان الله يوفقني واخلص دراستي على خير ويسخر لي زوجي ويحننه علي ويهدي وليدي ويصلحه ...
يالله ادعووولي هااااااااا
انتظر ردودكم