تبين حياتك تزين ادخلي

اول شي اصبح علي بنات حوا خواتي واقول كل عام وانتن بالف خير
ثانيا بخش علي طول .. للاسف كثرت المشاكل هنا الاسريه من ضرب واهانه وكلام بذي وهجران بغرفة النوم
عشان كل هذا يروح باذن الله بختصرها بالغوالي ومابطول بالكلام بلخصها بنقط
اول شي زينيها مع الله تزين معك .... تجين تتابعين افلام مسلسل تسمعين مقطع اغنيه
صدقيني بتشوووفينها بحياتك انا عن نفسي لو اسمع مقطع اغنيه الا اشوفها بمشكله واتنكد
استغفريادعي وهذا هو السررر والمفعول السحرري للحياة السعيده
الدعاااااا ثم الدعااااااء ثم الدعاء
2- الزم ماعلي الواحد كررامته اشوف هنا حالات كثيره يسبها زوجها وتجي تراضيه... يدعي عليها يضررربها تجي ترراضيه وتجلس تتبرررر لنفسها انا قصدي مدري ايش وليه سويت وانا وانا
اذا شفتي زوجك غلط عليك غلط متعمد بمعني اهانك او دعي عليك او علي اهلك
هنا اقولك عزززي نفسك.... ماقولك رادديه او تلفظي عليه اوروحي لاهلك
افضل حل هنا انك تقولين حسبي الله وتسحبين عليه قومي بشغلك والبسي واكشخي لنفسك
وهو شششطف خلي علاقتك رسميه
صدقيني برررضو هي اللي بيحترمك ويجي يتاسف لانك اصلا انتي احترمتي نفسك ورفعتيها عنه سااعتها طلعي كل اللي بخاطرك مع قرصة اذن والله
بيحس بغلطه ....بس كثر الكلام ماينفع مع الرجال وخص لاصار عصبي يبغا له مختصر ومفيد ...مع تطنيش وشووفي كيف
ثالثا ياخواتي بعض الحريم الله يهدانا وبها تلقين زوجها يضرربها ويمرمط فيها
وهي كل سنه حامل مع الضرررب
ياختي حملتي وشفتي معاملته لك صعبه وضرب واهانه خلاص عمري لاتغلطين وتحملين مره ثانيه خلاص ستووب الين ربك يحلها
وش ذنب هالاطفال اللي يجون ويتربون علي الخوف والذل
حاولي مع زوجك الين ماتحسين انه تغيرر وبعدها احملي
واحب انوه لنقطه ترا الرجال والله مافي اسهل من اللعب علي عقولهم الرجال مو زي الحريم
الحريم تلقين فيهن كيد وخبث بس الرجال لا وقللليل اللي فيه
اعرفي مفتاح زوج
بعضهم يجي بالكشخ وبعضهم بالطبببخ وملي البطن وبعضهم لايبي لاطبخ ولا كشخ
يبي كلللمه حللوه وبعضهم يمشي علي التمسكن والدلع والدمع وبعضهم يبيها كلها
المقصود ان كل رجال له طررررريق
بس الاكيد مااايمشونً بالعناد واللسان الطويل انتي ساعتها
بتكونين الخسرانه ...
واحب او ضح نقطه اني اعرف ومتاكده انه فيه حريم مظلومات من قبل ازواجهن
ومضطهدات بس بذكائك باذن الله تروضيه علي ماتبغي... ساعتها بيكون اكبر تحدي لك انك تغييرينه تجاهك بشرط مايكون مدمن او مايصلي
وبتحسين بتصار بينك وبين نفسك انك قدرتي تغيري هالانسان
وفيه شغله اخيره اللي تقول حنا ماعندنا غير هالرجال نقدسه وليه مايفكرون فينا مثل مانفكر فيهم
اقولك حبيبتي اكيد بندور رضاهم اولا لانه امر واجب وايما امراة ماتت وزوجها راضي عنها دخلت الجنه
طبعا فيما معني الحديث طبعا في حدود طاعة الله
وثانيا لانه اذا صار زوجك هو حبيبك وصديقك وسندك بعد الله بتزين امووورك كلها
يعني الوحده اذا ماهي سعت وخططت لنجاح حياتها
الزوج مابيخطط لانه لاهي بالوظيفه وغير كذا سبحان الله الرجل ماعنده قدرة علي التخطيط زينا يالحريم
اتمني يكون موضوعي خفيف عليكم
ويارب يفرج همومكن وتتعدل اموركن
تحياتي