++ تبين دورتج تنتظم و تحملين بإذن الله؟؟ ادخلي و شوفي هالخلطه! ++

مرحبا بنات..

عندي لكم خلطه مجربتها قريبتي.. اتنظم عندج الدوره..

قريبتي عندها تكيس و مشكلتها بعد ف الدوره انها ما تنتظم عندها اتيها كل 6 شهور مره.. و خبرتها حرمه عن هالخلطه الرهيبه.. و واااايد حريم مجرباتنها و الحمدلله دورتهن منتظمه.. وحده حملت بعد ما استخدمتها بشهرين...

والخلطه هي :

1. حلبه مطحونه

2. حبه سودا مطحونه

3. حبوب الفجل مطحونه ( فجل احمر ) << هي تستخدم الاحمر ما ادري اذا عادي نوع ثاني و لا لا..

كل نوع اطحنيه و احتفظي فيه بروحه..

4. غذاء ملكات

5. عسل (اصلي)

اول ما اتيج الدوره و من اول يوم اكلي هالخلطه الصبح على الريق و هي :

( ملعقه صغيره من الحلبه + ملعقه صغيره حبه سودا + ملعقه صغيره حبوب الفجل + نص ملعقه صغيره غذاء ملكات + اضيفي عليه عسل عشان يتكون مزيج )

و نفس اليوم فلليل اخلطي نفس المكونات بس بدون غذاء الملكات..

استمري على هالطريقه كل يوم من اول يوم دوره لين اليوم ال 12.. و بعدها وقفي..
لا اتخافنين اذا زادت شوي كمية الدم او طولت الدوره لأنه هالخلطه اتنظف و اتنظم..

و الشي الثاني انها تعطيج طااااقه رهيبه و اتحسين بحيويه و نشاط و وحده من الحريم اللي استخدمتها لاحظت انه بشرتها تغيرت و صارت وايد حلوه..

قريبتي يتها الدوره الشهر الاول و الثاني و الحين هي ف الشهر الثالث من الاستخدام و الحمدلله يتها هالشهر حتى دكتورتها مستغربه منها ..

بنات امانه تدعون لقريبتي ان الله يرزقها الذريه الصالحه و انها تحمل قرييب انشالله..

انا حطيت لكم الوصفه واتمنى تلتزمن فيها وتخبرنا بالنتائج .. الله يرزق كل محرومه انشالله.. ادعولي انه الله يشفيني من اللي فيني و يرزقني الذريه الصالحه..

اي اسئله انا حاظره..