الســـلام عليكم ورحمة الله وبركاته
كيف حالكن
الكل يتمنى غرفة نومـــه تكون قمـــه في الترتيب والنظافه والريحه الحلوه...
وغرفة بدون نظـــااااافه مستحيل تكون ريحتها حلوه عشان جــــذه يوميا تمسحين الســراميك بعده تنظيفه بـ ماي ويــا كمفورت او كونيا ولو تحبين ريحة المنظفات حطي ...
سجادة غرفتج مره بالاسبوع نفظيها وطلعيها في الحوش عشان تضربها الشمس لمدة ساعتين ورديها للغرفـــه وكنسيها بالمكنسه وخذي فرشاة صغيـــره وهاتي سطل صغيرون حطي فيه ماي ومعطر من اي نوع وانا استخدم الكمفورت الازرق بغرف عيالي عشان ماتأخذ عليهم الروائح القويه وبغرفتي احب ريحــة اللافندر بالميالس احط كلونيا...وفرشــي الزوليه زين بعد ماتدخلين الفرشاه داخل الماي المعطر وشوفي شو بيطلع لج من الخيوط والوبر والشعر اللي مترصص فيها .
السجاده غسليها مره بالشهــر .
الستائر يوميا انفظيها عن الغبار وعشان ماتتيمع وراها الحشــرات
و لو هي من النوع اللي سهل تفكينه اغسليها كل 15 يوم مره وكويها وقبل لاتركبينها حطي فوق المبخـــر وبخريها عطريها وركبيها
لو هي مب سهله التركيب انفظيها بمكانها زين وامسحي اليدار والزجاج من ورها بعد النفظ العدل وفتحيــها من الداخل ورشيها بمعطــر السجاد اكوا البنفسجي احلى شئ يخلي ريحتها تهوس ولا الف ليلة وليله من اجمل وبعدين امسكي المدخن بيدج وحطي كسرة عود وحبه صغيرونه لبــان وبخريها من الداخل وخليج ماسكه المدخن بجذيه تظل الستاره اسبوع تقريبا نظيفه .
اليدار يوميا امسحيه من السقف الين الارضيـــه ولاتنسين الاطراف والزوايا الارضيـــه تحصلينها دوم مغبــره.
الدرايش بالمكنسه شفطي كل الغبار اللي فيها وامسكي مخمه صغيرونه وخميها وخمي لو قدامها يدار صغيـــر ونظفيه زين
وهاتي لج اسفنج وحطي فيها ديتول ومرريها بحواف الدريش من الداخل والخارج ولمعي الزجاج باي طريقه تعيبج من ناحيتي انظف الزجاج بورق الجرايد يخليهن يلمعن.
الكبت والســرير والمنظره كثــر الكلام عنهن بالقسم ووايد مواضيع لهن هنيه
مفرش الســرير والوسايد
الوسايد والمفرش كل اسبوع غسيل ...حطي في البانيو ماي وصابون تايد وخليهم ساعه وعقب تعالي ودوسيهن بريولج ولا خلي الخدامه مع انه ريولج انظف ...وبعد فرغي الماي وحطي ماي صافي لمدة نص ساعه ونفس الحركه وفرغي الماي واخر شئ ماي وكمفورت وخليهم نص ساعه ونشفيهن وشوفي النظافه والريحه الحلوه
وقبل لاتدخلينهن السـتور بخريهن وغلفيهن بأكياس انا استخدم اكياس الزبايل السود .
وبعدهـــا بخري حجرتج واتحداج تقولين حجرتي مايتم فيها ريحـــة بخور
ان شــاء الله يكون موضوع فادكم
واعجبني طريقة غسل المفارش
مشكورة حبيبتي