لسلام عليكم
كيفكم ياحلوات!
انا نصحتي وحده وطبقت نصيحتها والحمدلله استفدت وقلت خلني اقولها لبنات عالمي المفضل عشان يستفيدون ويدعون لي:)
هاذي الله يسلمك خالتي حرمه كبيره وبناتها متزوجات وباقي عندها ثنتين ماتزوجو>>احدسالك
خالتي هاذي الكل يسميها خريجه جامعه الحياه وهاالتسميه ماجات من فراغ:bkh:
انا اول ماتزوجت اذ رحت لهلي زوجي يعطيني مصروف قليل مايكفيني وكنت استحي منه وما اطلب وهاالشي غلط
لاني اذ احتجت امون على امي وابوي ومارح يقصرون الله يطول بعمارهم
جبت بنت برضوه زوجي على وضعه
وغير كذ كانت اغراض بنتي احياننا يرسل ابوي السايق يجيبها لها
مع ان المفروض زوجي يجيب كميه من الحليب والحفايض اكرمكم الله لبنته هوالي ملزوم فيها موابوي
سبحان الله وتجيني خالتي تقهويني واناعند اهلي وتعطيني من النصايح الي يحبها قلبكم
مفيده موزي الناس الي نصايحها تودي بداهيه
قالتلي شوفي( الطفل على ماربيتيه والرجال على ماعودتيه)
المصروف من حقك وواجب يعطيك لانه مقتدر وابوك موملزوم ببنته الله لايهينه بعدي ابوي>>>كلمه دايما تقولها
تقول بناتي والله العظيم ممشين رجاجيلهم على الصراط المستقيم موبالخبث لا بالحق
مثلا تمرض الوحده هوملزوم يوديها المستشفى ويتحمل مسوليتها مواذمرضت جابها عندي يقول بنتك تعبانه
تقولي سالفه حصلت لبنتها انها مرضت وزوجها كان مع زملائه ودقت البنت على زوجها وقالت له انها تعبانه قال ماني بجاي دقي على واحدمن اخوانك يوديك انا مع زملائي الحين
البنت دقت علىامهاتقول ارسلي لي اخوي يوديني خالتي قالت لولدها لاتروح دقت علىزوج بنتها قالت له قال انا ماني بفاضي خلي اخوها يوديها هومهوباخواهاوسكر بوجهها
راحت عالجت بنتها واخذتهاعندها بالبيت وبعدها بيومين جاء الرجال يبي حرمته
طلعت له خالتي قال وين اهلي قولي لهم يتجهزون باخذهم
قالت له شوف ياولدي الحين لما جاتك حاجتك جيت تدورها ؟؟؟ اكيد فهمتو وش تقصد
وقبل كم يوم لما احتاجتك ما ساعدتها
انا زوجتك بنتي لرجال يتحمل مسوليتها مهوياخذ وطره منها ويهملها
اذانت عجزان عن مسوليتها طلقها وبنزوجها من يقدرها ويكون قد المسوليه وحنا محنا بعجزانين عن بنتنا>>طبعا خالتي تكلمت عليه لانه ماهي اول مره يترك بنتها وهي مريضه
الرجال بعد كلام ام زوجته وتعدل والحمدلله والله ان زوجته لوتزكم مجرد زكمه خذاها المستشفى
ويسوي لها نعناع وليمون ويمسك اعياله ويسنعهم اذمرضت
بنتها الثانيه صغيره وكانت كل خميس تنام عندامها مسكتها خالتي قالتي شوفي يابنتي جيتك على عيني وراسي بس تجيني وتنامي وزوجك ماتدرين عنه ومهملته لا
والمثل يقول( لابعدت المخده عن المخده غااابت المؤده)
البنت بالاول عاندت بعدين رضخت وسلكت الحين مشاء الله عليها والله من تجي زياره لامها يحرق جوالها بالاتصال والاطمئنان عليها
وغيركذتقولي ذهبك لوتشوفينه يشحذك شحاذه ماتبعين منه كسره
هورجال واذبغى السلف يعرف الرجاجيل وصدقيني يابنتي اذبعتي مارح يرجع لك فلوسك >>بهاذي صدقت لاني مجربه
بينمالوتسلف من واحد من خوياه بيرجع له فلوسه من اول مايستلم الراتب لانه بيستحي منه
عكسك انتي بيقول زوجتي وحلالها لي:42:
والله طبقت كلامها واستفدت ماصرت ابيع منذهبي اذ طلبني اقول انت رجال ودبرنفسك
صاريتسلف من زملائه ويرجعها لهم اول باول عكسي اذطلبته قال ماعندي لك شي:(
واذمرضت الله لايهينه هويهتم فيني مع انه مناول يدق على اخوي اذكان براء
صرت اقوله انامتزوجتك انت والا اخوي!
اخوي عنده حرمته وعياله مسوال عنهم وانت مسئول عني
وكلكم راع وكلكم مسئول عن رعيته
(دعواتكم)
واذعجبكم الموضوع بكمل لكم نصايحها:26:
وبتعرف تتصرف في اي موقف تنحط فيه