تبين زوجك ينبهر بالزيت الي مغرق شعرك وخلي شعرك غجري واااااو؟؟

طبعا هالموضوع مو بس للمتزوجات كمااااان للبنات


كلنا نتمنى إننا نسوي شعر غجري واااااااو ..صح؟؟

ونبغاه يصير كأنه مبلل

ما تتمني تغرقين شعرك زيتوتخليه بالساعات بدون ما زوجك أو احد من اخوانك يقرف منك؟



لكن ولا يهمك الحـــل عندي..‏


‏(بكتب لكم تجربتي وتحتها الطريقة وبالتفصيل الممل تعويض عن الصور)‏

أول ماكنت أسوي الجل كان شعري ينفش ويصير نااااااشف حتى لو كنت احط معاه كريم ما يفرق كثير‏

قلت ليش ما أجرب أحط جل مع الزيت؟؟

أخذت زيت مفيد وماله ريحه وخلطته وشعري صار رووووووووووووعة يا بنات

وكشتي الأزلية اختفت طايح على وجهي ومتعرج وكأني توي طالعة من البانيو رغم إنه خلاص ناشف ‏

وبعد ما غسلته كمان صار حيوي لأنه اتشرب الزيت واتشبع منه ومحد عارف إني حاطه زيت

خلي زوجك واخوانك والكل ينبهر بشعرك الغجري ويظنون ان هذا كله عشان خاطرهم ما يدرون إنك تبين تزيتين ‏شعرك ‏:30:

والحيــــن بعد زود الهذرة بكتب لكم الطريقة ‏


‏-------------------------------------------------------------------‏

تحتاجين إلى

‏1-‏علبة بلاستيكية فارغة ( علبة جل فارغة مثلا)‏

‏2-‏ زيت بدون رائــــــحة

(أنصحك بزيت الذرة مثل زيت عافية لأن ماله ريحه أبدا وضيفي عليه شوي زيت ‏

خروع ماركة الشيمـــاء هم بعد ماله ريحه أبدا وهذا الي أنا جربته أو أي زيت تعرفيه)‏

‏3-‏جل من أي نوع سواء جل مبلل أو عادي

‏4-‏ كلبسات(شباصات)‏

‏5-‏ مطاطات شعر صغيرة

‏6-‏ مشـــــــط

‏7-‏ جونتي لو كنتي ما تبين يدك تدهن ( أشوف ماله داعي وبلا دلع بنات )‏



الطريقة


‏1- ‏حطي الكمية الي تحتاجينها من الجل في العلبة البلاستيكية

‏2-‏اضيفي نصف كمية الجل زيت تقريبا او حسب نوعية شعرك يعني لو كان دهني مارح تحطي كل

هالكمية من الزيت لكن لو جاف ممكن كمان تزودي يعني على كيفك واخلطيهم زين ليــــــــــن

يصير لون الخليط على أبيض وتكون شفافية الجل راحت

‏3-‏مشطي شعرك زين ولا تبقيــــن في عقدة وحدة وقسميه أربع اقسام وامسكي كل قسم بشباصة

‏4-‏حطي الخليط على الربع الأول ووزعيه زين واحرصي انه كل شعرة يوصلها الجل وخذي هالربع ‏

وسويه ضفيرة ولو شعرك ما شاء الله كثير اقسمي الربع قسمين وضفري كل قسم واربطيه بالمطاط ‏

وكرري نفس الشي مع باقي الشعر ‏

‏5-‏ اتركي الضفيرة لمدة ساعة أو نصف ساعة او حتى الين ما ينشف يعني حسب ما تبغي قوة التجعيدة

بعد ما تفكيها ابدئي فرقي شعرك وانفشية بيدك وممكن لو مستعجلة استعملي الاستشوار في تجفيفه ومارح

تعرفي انه نشف غير بالملمس لأنه شكلي الظاهري كأنه مبلل حقيقي

‏ -------------------------------------------------------------------‏


وعاد انتي اتفنني

وسوي هالطريقة وادعيلي وأي استفســــــــــــــار أنا جاهزة



هبـــــــــــــــــة


:27::27: