مشكوره يابائعة المسك ربي يجزاك كل الخير والصحه
بس ماذكرتي لي نوع الشامبو اللي تستخدمينه
انا اخاف ان اسخدام الشامبو يوميا يأثر على شعري
مع اني استخدمه الحين يوميا للاسف
انا طرحت موضوع والبنات عطوني رايهم بس ابي رايك بعد
والله ينولك اللي ببالك ويفتح لك كل باب رزق يالغاليه ياوجه الخير

ألف ألف ألف شكر
الله يدخلك الجنة بلا حساب يابائعة المسك روحي الهي يغفر لك ويدخلك الجنة
أصلا مو عارفه ايش اقول الكلمات تعجز عن شكرك

شعري صار ناعم وفيه لمعه والتساقط خف شوي .....بس النعومة خطيييييييييييره شعري صار طايح من النعومة ومتسرسب على وجهي...

الله يوفقك

السلام عليكم ورحمة الله وبركاته ..

اختي الغالية جـرح يقتـل ..

لو قالتلك نوعية شامبوي كان تموتين من الضحك علي :D
انا استخدم شامبوووووووو قوية حيل قدددددددددددديم تعرفين شامبو العجايز اللي في قزازه شفافه والسائل اللي فيه احمر شفاف وغطاه ابيض قديم حيل يستخدمونه العجايز انا استخدمته والى الحين استخدموه لانه افضل الشامبوهات انا شعري دهني خلقه وهو اللي اللي يزيل الدهن من شعري انا قبل كنت استخدم بانتين شامبو وبلسم للشعر الدهني كان شعري يتساقط حيل وتساقط شديد لدرجة ان فرشة الشعر هي بيضاء تكون سوداء من الشعر وكثر التساقط وكل ما طلعت متروشه امشط شعري لازم تمتلي الفرشه من الشعر ولا بعد مااجلس الا يوم وبكرا يدهن شعري ضليت على هذي الحال وماادري وش اسبب سمعت طبيب في التلفزيون القناة الاولى قال ان البلسم هو سبب تساقط الشعر وقال لاتستخدمونه الا بالمناسبات فقط بيوم المناسبه .. ولا بالايام العادية والاستخدام اليومي شامبو غير عطري وبدون بلسم ..
انا تركته نهائيا ً ماصرت استخدمه قاطعته لا مناسبات ولا يحزنون والحمدلله توقف تساقط شعري مع استخدامي شامبو الاحمر ... بس ذوات الشعر الجاف ماينفعهم لانه راح يجفف شعورهم ينفع بس لذوات الشعر الدهني فقط وحتى يوم استخدمة الخلطه هذي مااغسل شعري الا فيه .. ووحده من قريباتي تستخدم شامبو بيبي جونسن لان شعرها جاف .. يعني انت شوفي الشامبو اللي يناسبك مو شرط هذي الخلطه معها شامبو معين ياقلبي اهم شيء انه يكون شامبو بس مايكون فيه بلسم لان الخلطه راح يحل محل البلسم ويعطيك نعومه ولمعان ويخلي شعرك يتنفس اكثر من البلسم والله البلسم يخلي شعري مافيه حيويه ومكتوم لا مع الخلطه صار شعري فيه حيويه ونعومه .. وصار لي استخدم هذا الشامبو يمكن اكثر من 9 سنين ولازلت ..
وهذي الخلطه تعطي الشعر اللي هلك وتعب وراحت لمعته ونعومته من كثر الشامبوهات اليوميه والاستشوار نعومه ولمعان ويحميه بعدين من آثارهم يعني ماراح يتأثر شعرك إن شاء الله مع استعمالك للشامبو والاستشوار المتكرر لانه يكون طبقة عازله عن اي شيء راح يضر الشعره .. انتي الظاهر ماتعرفين الشامبو العجايز الاحمر هو ينظف الشعر تنظيف من الدهون شيء قوي على الدهون زي الفيري الله يسلمك ِ وقوي على الشعر بعد يجفف الشعره ومن كثرة الاستخدام يزيل اللمعه اللي فيه انا كان شعري مافيه لمعه ابدن باهت من الشامبو لكن استخدمت الخلطه هذي صار الشامبو مايأثر لا بنعومة شعري ولا بلمعته ولا بصحته مع اني استخدم الشامبو هذا بعد كل يومين اغسل شعري طبعا ً ماانسى الخلطه ..
واي استفسار انا تحت امرك ِ يالغالية ..

السلام عليكم ورحمة الله وبركاته ...

هلا وغلا بأختي الحبيبة دودا الأمورة ..

تسلمين ياقلبي الشكر لله وحده أنا ماسويت شيء يذكر .. كله من فضل الله سبحانه ...
ومشكوووووره على دعواتك وياك ِ إن شاء الله يارب ... الله لا يحرمنا من دعواتكم يارب ... وجميع المسلمات يارب العالمين ... الله يدوم عليك الخير والنعمه يارب والسعادة إن شاء الله ..

دودا الأموره وش نوعية شعرك