بائعة المسك :

السلام عليكم ورحمة الله بوركاته .. هلا وغلا بأختي الغالية رسهان ... انا قريت الخلطة وبعض الردود .. واللي فهمته ان الخلطة للتنعيم .. لكن باخر رد قلت للتطويل .. يعني يالغلا الخلطة بالضبط وش تسوي؟؟ .. لانها إذا كانت للتطويل والتنعيم والريحة مو قوية .. ولاتنفع للتساقط بعد؟؟ .. من الحين اسويها؟؟ هي بالاصل لإطالة الشعر انا كيف عرفت هالخلطه الا من وحده في منتدى جزاها الله كل خير دنيا وآخره يارب حاطتها لتطويل الشعر لكن انا مع استخدامي المتكرر لها لقيت انها مو بس تطول الشعر الا النعومه اللي كل يوم الاحظه فيها وكل من قالت له عن هذي الخلطه عشان النعومه الكل يلاحظ طول الشعر يتغير بوقت اقل من قبل يعني لحظو ان شعورهم تطول بمده قصيره عاد انا ماقلت لهم انه يطول لاني نسيت هذا الشيء لان النعومه اللي يعطيك اياه مرررررره جنان ومو معقول لكن ماله دخل بمنع التساقط وتكثيف الشعر لاني مالحظت شعري فيه تغير في كثافته ولا تغير في كمية التساقط هي هي بستخدامه ولا من غيره ... والبعض قالوا انه وقف التساقط معهم وانا اقول لا علم لي في هذا الامر ... يعني هذي الخلطه لها فوائد : 1 - تطويل . 2 - نعومه جنان . 3 - لمعه قويه . 4 - يزيل بهتان الشعر والتقصف اللي يسببه كل الغسل والصبغات والاستشوار . 5 - تحسين بحيوية لشعر احسن من البلسم اللي يكتم وخلي الشعر لاصق . 6 - الاستشوار يكون سريع معك . والافضل اللي شعورهم مصبوغه يستخدمونه والله ثم والله مع استخدامه المتكرره له راح يعطي الشعر المصبوغ لون ناقع ولمعه لصبغه تجنن ونعومه روعه .. ولا يتغير لون الصبغه ولا شيء .. وحده تحلف لي تقول مع استخدامها له ان وحده من قرايبها جت لمها وقالت لها تكفين ايش سر اللمعه القويه اللي تبدا من اول شعرك الين اخر طرف له واللمعه قويه قالت لها عن الخلطه هذي بعدها تقول ان الحرمه جتنا تشكرها وتدعي لها ان شعر بنتها تغير مره معه .. وحتى وحده من صديقاتي فردت شعرها وصبغته هاي لايت وعندها زواج قلت لها استخدمي هذي الخلطه هي ماستخدمته الا قبل الزواج بيوم يعني حطته بالليل والقبل العصر غسلته وراحت تستشور شعرها عند الكوفيره والكوفيره تعرف هذي البنت يوم شفت نعومت شعرها وملمسه ولمعته انجنت عليها قالت لو انا مااعرفك كان قلت هذي شعرها خلقه ناعم لكن انا اعرفك شعرك فيه نعومه ولمسه روعه غريبه ايش السر والصبغه لونها صاير حلوه وعلمتها عن الخلطه والله الكوفيره تقولها لو غالي لاشتريه وهو مايكلف ولا 15 ريال :D اهم شيء راحتك النفسيه لو انتي مو مرتاحه لهذا الشيء لا تستخدمينه وشوفي ياقلبي قبل لا تحطين بشعرك او بشرتك شيء او اي مكان في جسمك وانتي خايفه قولي هذا الدعاء ولا راح تخسرين شيء انا قريته في المنتدى لوحده جزاها الله الجنه يارب ... نصيحة قبل ما تبدون بشيء قولوا هذا الدعاء( بسم الله الذي لا يضر مع اسمه شيء في الأرض ولا في السماء وهو السميع العليم ) وحدة قالت لي إنها تعرف وحدة ما تسوي شي ولا تحط في وجهها شي حتى لو حاجة طبيعية يعني عسل أو زبادي إلا وتقول هذا الدعاء تصدقون يا بنات عمرها أقول عمرهـــــــــــــــــــــــــا شكت من شي لا حساسية أو حبوب أو مرض جلدي لا سمح الله .. أنتم قبل لا تسوون شيء أو تبدءون بشيء حتى لو في شعركم أو رجليكم أو أي منطقة في أجسامكم قولوا هذا الدعاء وبإذن واحد أحد ما يصيبكم شيء .. والله يوفقك ياااااااااااااااااااااااارب ... واي سؤال انا تحت امرك يالغالية ...

السلام عليكم ورحمة الله بوركاته .. هلا وغلا بأختي الغالية رسهان ... انا قريت الخلطة وبعض...