smt773 @smt773
عضوة
تبين شعرك يطول والكل يلاحظ ؟! حياك
السلام عليكم
بقول لكم خلطه جدا جميله وعن تجربه ولك الحمد ياربي لي سنه عليها مستمره والكل ملاحظ جمال شعري واقص ويمر شهر يرجع شعري ماكأني قصيت
بالبدايه انا من النوع اللي شعري مايطول بسرعه وهالموضوع كان تاعبني مره ولا اقدر اغامر واقص لاني ادري بطول وهو قصير
وقبل سنتين يمكن قلت بغير لوكي وقمت صبغت شعري و .... الله لايوريكم
شعري دممممار التقصف من النص وصار ينفش وتعبان جد
قلت لازم اهتم واسوي شيئ قريت بالنت خلطه النارجين والثوم وسويتها بس مع اضافات من عندي
الخلـــطه هي :
حزمة جرجير
ثومتين كامله
حبتين فلفل قرون حار
3 حبات رومي كبار
كوب زيت السمسم
كوب زيت اللوز للشعر
وزيت نارجين ( العلبه الحديد الخضراء )
الطريقه :
1_تقطعين الفلفل الحار والبارد وتغسلين الجرجير وتنقينه وتحطينه داخل العلبه اللي بتحطين فيها الزيت
2- تقطعين الثوم كل فص 3 او 2
3 - تحطين الزيوت في قدر مع بعض وتشغلين عليهم النار وإذا صار حار الزيت حطي الثوم عليه
ملاحظه :
( عشان زيت السمسم رح يطلع رغوه وتزيد كل ماقربت تطلع من القدر شيلي القدر من النار وانتظري شوي الين يهدا ورجعيه على النار )
وخليه الين يصير لون الثوم ذهبي غامق وبعدها طفي وخليه الين يبرد واذا برد صفيه وحطيه بالعلبه اللي جهزتيها وقفلي عليه خليه من اسبوع ل 10 ايام وبعدها صفيه مره ثانيه >> انا ماصفيته بديت استخدمه على طول بس كل وحده ورغبتها
استخدميه من مرتين لثلاث مرات بالاسبوع وغطيه بكيس >> انا احط غلاف الاكل الشفاف جميل وتظمنين نظافته
وعن الريحه ريحته تقهر والله بس اخذت خمريتي اللي احبها وحطيتها بالبلسم حقي والحمدلله تروح واضلا حتى لو ماسويتي هالطريقه بمجرد انه يجف الشعر تروح الريحه
هالخلطه اتعب اتعب وانا امدحها الحمدلك يارب وانا عندي كسل بالغده ولك الحمد يارب ابد مو واضح اثرها وشعري غزير مع العلم انه قبلها كان خفيف ويتقصف و .. و ... و الخ بسبب الغده
وعن التساقط بيتساقط بالبدايه لكن كملي ولا تخافين انا استخدمتها وشعري مصبوغ بعد اسبوعين اطالع ناززله الصبغه يمكن 2 سم اذا مو 3 بعد
حبيت افيدكم واتمنى من كل وحده تقراء موضوعي تدعي لي بالتوفيق في دراستي وبالنصيب الطيب
واي استفسارات انا موجوده حبايبي
47
10K
يلزم عليك تسجيل الدخول أولًا لكتابة تعليق.
قطةقصيمية
•
جزاك الله خييييييييير
الصفحة الأخيرة