اوكيه ياقلبو

انتظري النتيجه

ولو ان خايفه من اللون الاسود

:)

يا بنت عمر جزاكي الله خير وعقب الخير جنات النعيم

والله انك فيك صبر ايوب تردي على كل وحده فينا بصدر رحب

ربي يجازيك خير ويعطيك على قدر نيتك

يالغاليه انا يوم الاربعاء إن شاءالله مسويه نيه اجربه فشعري وشعر الحلوات خواتي
شعرنا ملمسه ناعم بس متعرج واذا غسلناه يصير كشه الله لا يوريك ويبغيله يومين لين ما تنزل هالكشه وراح اوافيك بالاخبار يوم السبت اذا كان في العمر بقية.

بس اللي ابغى اعرفه
انتي قلتي طال عمرك
نصف كيلو عفص
وثمن كيلو حديدية ----- ثمن كيلو قصدك من قوم الربع والثلث وو
ولا 8 كيلو

ادري سؤالي جدا بايخ بس مافيني اتورط.

ومشكووووووره يا كل الغلا

الله يعطيك الف عافيه يااخت حفص بصراحه انتى انسانه مخلصه واضح انك متحمسه للتجربه تبغين الكل يستفيد انا بصرحه جربتها انا واخوانى تقريبا قبل 12 سنه اشترتها امى من وحده واسمها الخلطه السريه كل العائله جربوها واولهم جدتى هى لونين اسود وبني الاسود ينعم مره والبنى عادى انا حطيت البني وصار شعري عادى واخواتي الاسود طلعت اشعورهم زى الفلبينات ومصورينهم فيدو وكل مااشوفهم اتمنى القى الحرمه الى تبيع الخلطه واول ماقريت موضوعك تشققت من الفرح وانشاء ابجربها لخوي واقولك النتايج

مشكوره اختى على المعلومات الاكثر من رائعه بس حبيت اسال اذا في احد من البحرين مسوي هاذي الطريقه لاني عجزت وانا ادور عن الحديديه مالقيتها ودورت مره ثانيه باسم الحرقوصه بعد ماعرفوها بس راونى شي مثل كتلة الحديد وزي الاسيام بس الكيلو بخمسن دينار يعنى 500 ريال سعودي وانتوا قلتوا انها ماتكلف غير 40 الي 50 ريال فياليت اذا احد يعرف وين تنباع في البحرين يقول لي وهل هاذي اهيا الحديده زي اللي شفتها عشان اشتريها ومافي يدي حيله وشكرا لتعاونكم.

انا حطيتها اليوم الساعه 6 المغرب

بكره حـ غسلها

واقولكم عالنتيجه

ولو اني عارفه اني شعري ماراح يتغير :( :( :(