تبين طريقتي المميزة جدا جدا في (( تعطيــــر شعـــري )) اللي بتخلي الكل ينهبل بريحتك

:)

- مراحب حلوات عالم حواء .. أكيد انه كلكم متميزات مشاء الله بالريحه الطيبه وشهادتي فيكم مجروحه.. بس حبيت اعلمكم بطريقتي اللي تثبت ريحه العود بالشعر كم يوم وتخليه يجنن لمدة 3 ايام تقريبا.. ودايما يقولون لي ريحه شعري حلوة ..

- الادوات المطلوبــــــه :

- دهن عود اي نوع مفضل ( انا احب الكمبودي من اجمل يظل ايام بالشعر )

- بخاخ اسمه حجر من سيد جنيد ( او اي بخاخ مفضل عندك ) صديقتي تستخدم خلطات من الشايع اسمها ( سقيا ) او ( نسمه ) رووووووعه ريحتهم بالشعر

- عود نوعيه جيده انا استخدم عود مبخر من اجمل او الملكي حق القرشي + بخور نوعيه جيده

- لوشن جسم لاي عطر فرنسي مميز عندك ( انا استخدم جادور ) او كريم للشعر صانسيلك مثلا

- عطرك الفرنسي المفضل ( انا استخدمت جادور )

- شامبو + بلسم نوعيه جيده ( انا استخدم لوريال الوردي للشعر الطويل )


- الطريــــــــــــــــقة :

- نغسل الشعر بالشامبو مرتين علشان نضمن انه نظف تمام ونحط البلسم ونغسله ونلفه بالفوطه نتركه ربع ساعه لحد ماتتشرب الفوطه الماي الزايد ..

- نمشط الشعر بشويش لانه بيكون رطب شوي وناخذ من اللوشن حق الجسم ( لاتستغربون ) الهدف من اللوشن تثبيت الروايح كلها واذا ماتبين حطي كريم للشعر .. انا احط شوي كم نقطه بس من لوشن جادور + شوي من دهن العود + بخه من عطر سيد جنيد ( او ) شوي من خلطات الشايع سقيا او نسمه + بخه من العطر الفرنسي جادور مثلا .. واذا شعرك جاف مثلي حطي سيروم وافركي الخلطه السابقه كلها بيدك وابدي ادهني شعرك من الاطراف لحد الفروة بس حاولي ماتقربي من الفروة علشان ماتدهن .. واخذي المدخن ودخني شعرك حطي كسرة من العود + نتفه من البخور ودخني شعرك انا ادخنه اكثر من مره .

- ولفيه بربطه اوبكله واتركيه من 5 -10 دقايق حتى تركز الريحه بشعرك يعني لاتسشورينه على طول .


- سشوري شعرك او اتركيه يجف براحته اذا طبيعته ناعم.

- ودخنيه لاخر مره على الناشف عشان تثبت الريحه تمام واخر بخه من عطرك .. واسمعي التعليقات الحلوة:arb: ( الله يسعد كل متزوجه ويرزق اللي مش متزوجه )


- ملاحظات :
- الطريقه هذي ماتطلع الشيب انا استخدمها من سنين .. لاتكثرين من اللوشن ودهن العود عشان مايدهن شعرك .. وكلهم حطي منهم شوي بس...
- حاولي اللوشن + العطر يكونو لنفس العطر او ممكن تنسقي انتي


- وصدقوني بتدعون لي ....

( ادعوا لي بالستر ويرجع شعري احسن من اول الله يجزاكم الف الف خير ولاتكتبون لي الدعوة ادعوا لي بقلبكم مابي اتعب حد ولا انتو ملزومين) :26: