تبين غريبه مضبوطه وتذوووب في الفم أدخلي وماراح تندمي

السلام عليكم ورحمة الله

أنا أول مره أنزل موضوع بها القسم وإن شاء الله بيعجبكم السالفه ومافيها إني حبيت أسوي غريبه في العيد مع العلم إني دايم أسويها بس لبيتي المهم وديتها لجمعتنا في العيد ووالله ثم والله إني أستحيت من كثر مامدحوها :35:
فقلت لازم أنزلها لحبايبي بس أعذروني ماأعرف أنزل صور ولا كان صورتها ونزلتها لكم ..

المقادير :
كاس زبده( أصبعين زبده ) لينه
2كأس دقيق أبيض
نص كاس سكر بودره
نتفة ملح

الطريقه :
نأخذ الزبده ونقطعها صغار ونضع عليها السكر البودره ونضربهم بالمضرب الكهربائي حق البيض لمدة ربع ساعه حتى يصير مثل الكريمه ويبيض لونه( أنا أستخدم المضرب إللي معاه الوعاء حقه كينوود أشغله وأروح وبعد ربع ساعه أجي أكمل:22:
بعدين أبدأ أضيف الدقيق المنخول مع الملح على دفعات وأستمر في العجن حتى تخلص الكميه

وبعدين أخذ العجينه بعد ماتكورت وأضعها في صحن وأغطيها بنايلون وأدخلها الثلاجه مدة نص ساعه.

بعد مرور النص ساعه أجهز صينيه مستطيله أوأي صينيه عندي بدون دهن وأفتح الفرن من أسفل على درجة حراره170 م أو 325ف ثم أبدأ بأخذ قطعه صغيره بيدي وأكورها وأضغطها شوي وأضعها في الصينيه حتى تنتهي الكميه وللتجميل أضع حبة صنوبر وأضغط عليها بأصبعي على كل كوره وأضعها في الفرن لمدة 10 دقائق فقط.وتراها ماتحتاج للتحمير.

ملاحظه مهمه جداٌ: خليها في الفرن 10 دقايق بس وبعدين طلعيها من الفرن بتكون ليييينه معليش خليها شوي برى الفرن وغطيها بفوطه وبعد ماتبرد ذوقي أحلى غريبه تذووووب بالفم ذوبان ماشاء الله علي

وأي إستفسارارت أنا حاضره بس جربوهاوإن شاء الله ماراح تندمون:icon28:

وللي ماتزوجوا تراكم بتنخطبون بعد هالغريبه على طوووول:22: