تبين لمعًه بشششعرك ، لمسه تجنن ، بحركًه بسسيطه ... تعًالو "

مسسساكم خير ..

انا شعري الحمدلله زين بس لان عملت فرد لشعري قبل اسبوع ، وصار شعري ناشف مرررا وجاف

طبعا معروف لان هذا بسبب الفرد لازم بالبدايه يكون كذا بس انا ماقدرت اصبر خصوصا خايفه بو الشباب يلمس كشتي وهي ناشفه

عاد انا استخدم دابر املا الاصلي وماشي معي تمام لانه معروف مايحتاج اتكلم عنه

حطيت منه وباقي شعري ناشف

الامس وانا ارتب ثلاجتي :o

كان عندي علبة زبادي منتهي تاريخها , جيت بقطها بس قلت حرام << عاد انا اذا مالها يومين منتهيه اكله عادي هع

( مب بطن مستغنيه عن صحتي هووع )

بس ذا له فتره لان انا كنت مسافره .. الزبده

انا دايم اقرا عن ماسك الروب الي فيه عسل وبيض وروب

عاد قلت بحطه بس مالي خلق خبصه لان مسويه نظام لشعري ومابي اخبص اخذت الروب وحسيته بيكون كثيف ع شعري كبيت معه شوية دابر املا الذهبي

وخلطته وبعد كذا حطيته ع شعري ، طبعا انا حطيته وهو بارد ما حست الا بشعري تقولي اسمنت هع
نشف وصار خشن ، قمت غطيته بكيس << لان قلت الروب شئ طبيعي لو مانفعني ما بيضرني

وصرت افر ادور تجارب وفوائد الروب

خليته بشعري نص ساعه تقريبا ، ويوم غسلته نفس الشئ شعري ناشف جست باستشوره ماتتصورون النتيجه

وررربي لمعه ونعومه ، انا عملت كيراتين قبل سنع وربي يابنات ان ملمس شعري مثل اول ماسويت الكيراتين
وطاير عقلي فيه من الوناسه وقررت اخلي الروب من نظامي واحطه مره بالاسبوع

عاد قلت لازم انفعكم .. :)

يالله قومو الحين وجربوها مراح تندمون ، واكتبو النتايج


* دعواتكًم لي بالحمل "