تبين لون برونــزي حيــــــــــــــــــأج عنــدي

السلام عليكم

شلونكم يابنات شخباركم عساكم بخير

طبعا الموضوع مبين من العنوان

انه ينيت على اللون البرونزي وماشاء الله كل مرة اسافر مصر اجوف الكويتيات والسعوديات البرونزيات اتخبل

المهم قلت السنة لازم اسوي برونزاج وادور وادور وتعبت

الزبده قريت في النت عن سبراي اسمه بنانا بوت(banana boat) والله يجزى اللي كتبت عنه كل خير

المهم وتبدى رحلة البحث عنه طبعاا تعبت ودورت مالقيته ومادورت غيره ما ادري شلا مع ان كاتبين عن الف نوع ونوع بس هذا اللي دخل بالي

المهم سافرت قطر وحصلته هناك وشريت منه هو على فكرة سعره بدينارين ونص تقريبا
المهم شريته ورجعت البحرين لقيته موجود( للبحرينيات في صيدلية جعفر ) <<<<< مو كني قلت قصة حياتي

الزبدة الحين استعملته قبل يومين واللون وااااااااااااااااااااااو يخبل انه ورفيجتي انه بيضة نوعا ما ورفيجتي اغمج مني شوي
طلع اللون يخبل علينا كل وحده طلع عليها غير ولا لا يفوتكم بلمعه بعد اتسبح وارجع اقول شفيها هاللمعه ماتروح الا بعدين عرفت ان منه ومن نفسه اللمعه

المهم اللي تبي فعلا تسوي برونزاج تستخدمه وما بتتاسف لانه جناااااااان شوي عليه

وعلى فكرة انه استعملته بس مرة وحده وماجلسنا في الشمس وايد

لان الله يسلمني جلست على الساعه تقريبا 11 ماصار ربع ساعه الا صايدتني ضربة شمس

وقمت وجلست العصر شوي على الساعه 4
واكتسبنا اللون هذا من مرة وحده وماجلسنا كيف لو نسويها تقريبا على مدى اسبوع يطلع اللون خبااااااااال

بقول لكم الحين شلون انه استخدمته

اول شي خذيت ماي بحر ووديته معاي حمام السباحه
لبست لبس السباحه وصبيت علي ماي البحر وتسبحت فيه وجلست دقايق وبعدين رشيت من السبراي ولازم تخلينه ربع ساعه بعدين تجلسين في الشمس

ووووووووبس

بس ملحوووووووووووووظة مهمه

لاتجلسون من الساعه تقريبا 10:30 الظهر الى 3:30 او 4

واذا جلستووو لازم تحطون فوق راسكم فوطة يفضل مبللة بالماي وكاب على راسكم عشان لاتصيدكم ضربة شمس

وانه باذن الله اضمن لكم ان اللون اللي بخاطركم بتحصلونه

وماعليكم من اللي يقول حاسبي لا يبقع ومكان غير مكان انه ورفيجتي حطيناه عشوائي رش لا ترش وبعدين وزعناه بيدنا ولا صار فرق ولا شي

الجسم كله لون واحد ويجنن بلمعه


وادري طولتها وايد بس عشان اعطيكم التفاصيل

واي سؤال يالغاليات عيوني لكم


واذا تبون صورته من عيوني

وفي منه اكثر من نوع وفي سلف تان اللي هو الذاتي

انتوو امرووو بس وعيوني لكم


وجربوه وادعووووووووووووووووووووووووووووولي