JOJO-VIP @jojo_vip
محررة
تبين مرقوق لذيذ ولاياخذ الا نص ساعه بالضبط ويطلع طعمه شي ادخلو واحكمو وبالصور طبعا
السلام عليكم ياحبايبي ياهلا وسهلا بكل من نور موضوعي
كيفكم ان شاء الله بخير
ياقلبي جبت لكم اليوم طريقه للمرقوق والله العظيم ماياخذ وقت من 20 دقيقه الى 30 دقيقه بالكثير
بس بشرط انك تستخدمي قدر الضغط
بس ما اكذب عليكم سهل مره وطعمه خرافي ولذيذ
وماراح اطول عليكم بالطريقه والمقادير
والمقادير هي :
لحم الكميه اللي تبين
ومسلوب او مرقوق الرفله لان انا ما اعرف اعجن وارق فاستخدم مرقوق الرفله
كميه الخضار اللي تحبيه من (كوسه - قرع - باذنجان - جزر) بالنسبه لي انا ما احب احط الا كوسه وقرع طبعا انا مقطعتها من الليل علشان تساعدني على طول وماتضيع وقتي
ملعقه صغيره ملح + بصله مقطعه صغير + فصين ثوم مقطع
ملعقه صغيره بهارات مشكله
نص ملعقه فلفل اسود
ملعقتين اكل صلصه
حبه ماجي
ليمون اسود وكسرتين قرفه
ومويه على حسب اهم شي يكون نص القدر
بس لاتحطون زيت لانه اثناء الطبخ بيذوب الشحم اللي على اللحم
وهذي الصور
المسلوبه
الطريقه:
اولا نضع المويه مع البهارات والليمون الاسود والقرفه والفلفل الاسود والبصل والثوم والصلصه كل هذي مع بعض ونخلي المويه تغلي لمى تفور وبعدين نقصر على النار
وبعدبن نحط اللحمه جو القدر ونحط الخضار زي اللي بالصوره
يابنات لااحد يرد لما اكمل
43
14K
يلزم عليك تسجيل الدخول أولًا لكتابة تعليق.
ماشاء الله 0000000000 تبارك الرحمن
تسلم ايدك يالغاليه ماقصرتي
عليكم بالف صحه وعافيه يارب
والله يشفي بنتك ويقر عينك بصحتها وعافيتها
عاجلا غير آجل ياااااااااااارب
تسلم ايدك يالغاليه ماقصرتي
عليكم بالف صحه وعافيه يارب
والله يشفي بنتك ويقر عينك بصحتها وعافيتها
عاجلا غير آجل ياااااااااااارب
الصفحة الأخيرة
وبعدها نشيل الخضار لانه بيكون استواء فلو خليناه معه بيذوب فنشيله ونحطه بصحن بس الخضار مو اللحم
زي الصوره
هذا بعد ما استواء الخضار
وبعدين نجيب المسلوبه ونقطعه بحجم كف اليد
ونبد ندخلها حبه حبه ونضغط عليها بالملعقه علشان تبتل بمرقه اللحم
وبهالصوره حطينا كل المسلوبه وحطينا كمان حبه حبحر حار علشان اللطعم بس
ونقفل القدر مره ثانيه ونخليه على نار هاديه مره علشان مايحترق
وبعد 10 دقايق بالضبط نفتح القدر وتمتعو با الذ واطعم مرقوق
بس قبل ماتتطعمونه وتذوقونه
اسكبوه في صحن او حافظه وزينو وجهه بالكشنه البصل مع البهارات وبالخضار اللي سبق وشلناه زي اللي بالصور
وبصحه وعافيه
واللي يعجبهاالطبق
مابي منها الا الدعاء لبنتي بالشفاء العاجل