بس هاي ماعاقنا عن انه نجيب البر لعندنا
اللي ماشاف الاسبوع الاول يضغط هنا
.:. .:. .:. .:. .:. .:. .:.
هالمره .. صابتنا نفس المشكله ماقدرنا نروح البر بسبب ناس الله يهديهم مايحبون البر :hahaha:
فقررنا نجيب البر عندنا في البيت .. :30:
وكل اللي تحتاجونه هو .. حوش .. و شوي رمل .. و حطب للشوي .. وجلسه ..
والأهم .. لمة الأهل .. .. :)
.:. .:. .:. .:. .:. .:.
اول شي .. نفرش شويه رمل على الارض .. يعني شويه بس مو واجد .. ونبله بالماي
ونحط طابوق واحجار ... وخشب .. عشان نكون النار
وبعدين عشان نقدر نشعل الحطب .. نحتاج لجهاز اشعال مثل هاي
ولا تلعب بالنار لاتحرق اصابيعك :(
خلي أحد كبير يقوم بهالمهمه :arb:
>> نار الله الموقده <<
المقادير هنا شويه على قدنا
8 استكانات رز مغسوله زين
دجاجه مقطعه ل 8 اقسام
2 لومي اسود " ليمون عماني "
2 م ص ملح
2 م ك بهار دجاج
حبة هيل و عود دارسين و ورقة غار << احنا مانحطهم لانه مانحبهم
بصله مقطعه لأرباع << المفروض مفروم .. بس احنا مانحب البصل لازم نشيله
2 طماطم مفرومه صغير
زيت شويه
نحط حامل ثلاثي على النار عشان نحط القدر عليه
وبعدين نحط القدر وفيه زيت شوي لين يصير حار
بعدين نضيف له الطماط والبصل ونغطي القدر عشان يستوون ونحركه كل شويه
وبعدين .. نحط الدجاج ونصب عليه الماي ونحط البهارات كلها ونصك عليه لين يستوي الدجاج
ونعرف انه الدجاج استوى اذا غرزنا سكين في العظم وما طلع دم
وعقب نضيف له الرز ونتركه لين ينشف الماي ويستوي .. بس انتبهوا لا يستوي اكثر من اللازم