تبييض الأسنان بالليزر

السلام عليكم

أنا سنة 2004 سويت تبييض بالليزر عند عيادة الميدان بالكويت

دفعت 180 دينار للتبييض و6 دنانير سعر المعجون

ظليت يمكن 3 ساعات

والله ثم والله ان اسناني ابيضت بنسبة قليييييييييييييييلة يعني ما طلعوا رقم واحد مثل لون الباليت اللي حاطينه عندهم
لما خلصت الجلسة وشفت أسناني قلت للي سوت لي التبييض انهم ما فتحوا وايد قالت لي انهم راح يفتحون مع استعمالي للمعجون

رجعت لهم ثاني يوم ودخلت على مديرهم و وكلمته

قالوا لي ان اسناني ما تبيض أكثر من جذيه مع انه قبل لا أدفع راوتني الباليت وقالت لي ان اسناني بتكون مثل رقم واحد


وعلشان لا أحاسبهم سووا لي تبييض أي كلام مرة ثانية بالطريقة التقليدية اللي اهي سائل شفاف داخل باليت يحطونه على أسناني مثل اللي يحطونه بالدعايات

والله انهم يعطونج القمر بايد والشمس بايد لكن كلها خدع

هذا بالنسبة لعيادة الميدان بالكويت وعن تجربة شخصية

والحين رجعت أسناني مثل ما كانت قبل التبييض

يعني التبييض مؤقت وليس دائم

درة الخليج ماعليكي أمر شنو اسم المعجون

يابنااااات عطونا راااايكم

حبيبتي فيه مراكز متخصصه حق هذي الشغله تكون عيادات تجميليه أو عيادة أسنان تجميليه ومو أي مركز تلاقين عنده نفس النتيجه لأن بعضهم أي كلام وأصلا مو متخصصين حق هذي الشغله ... عشان كذا تختلف النتيجه وترى لون الأسنان يلعب دور بس هذا مو معناتها انا اسنانك ماراح تبيض