تبييض الركب والاكواع خلال شهر فقط تغير جذري

تبييض الركب والاكواع خلال شهر فقط تغير جذري


📌العناية بتكون بمكونات طبيعيه موجوده بكل بيت ، هذا محتواي اللي انتم تحبونه لذلك انا حريصه كل الحرص على اني اجيب لكم حلول لكل مشاكل البشره بالخلطات الطبيعيه اللي ماراح تكلف عليكم وبنفس الوقت بتشوفون نتيجة حلوة مع الاستمرار 🤍

هذا الكورس من استخدامي الشخصي ومن سنين طويله ومستفيده منه جداً ، اذا عندكم تصبغات بالركب والاكواع بتختفي تماماً متأكدة وبإذن الله انكم ماراح تضيعون وقتكم بالعكس بتلاحظون فرق وتغيير جذري انصحكم تصورون قبل وبعد عشان تشوفون كيف يفرق اللون قبل الاستمرار على هذا الكورس وبعد الاستمرار ، اذا استفدتوا منه استمروا عليه وخلوه روتينكم بالعنايه عشان ماترجع لكم هالمشكله

اهم الاسباب اللي تسبب هالتصبغات في الركب والاكواع :
( جلد ميت / جفاف )

الكورس بيكون عباره عن : ( مقشر - مرطب يومي - صابون مغربي )

1️⃣ المقشر :

( سكر + قهوة + زيت ) بكميات متساويه
يوزع على الركب والاكواع ويفرك بحركات دائريه بكل لُطف لمدة 5 دقايق ثم يشطف بالماء

2️⃣ الصابون :
( ملعقتين صابون مغربي + ملعقة سدر + شوي مويه )
نبلل البشرة بالماء ثم نوزع الصابون وتترك 15 دقيقة على الاقل ثم تستخدم الليفه ويشطف بالماء / تستخدم مرتين في الاسبوع او يومياً بدون الليفه

3️⃣ الترطيب ( يومياً )
افضل تكنيك احبه اذا تبون ترطيب لمدة اطول تحطون كميه كبيرة من المرطب ثم تغطونها بكيس بلاستيك وتترك على الاقل ساعه بيعطيكم ترطيب قوي ونعومه خياليه

الترتيب بيكون :
مقشر ( مرا كل اسبوع )
صابون مغربي ( مرتين كل اسبوع )
ترطيب ( يومياً ) مع تغطيه بلاستيك لمدة ساعه

لا تنسينا من صالح الدعاء ثم انضمي إلينا ليصلك كل جديد 🌹

@badeeh22