تبي تستقر ماتدري شلون

السلام عليكم ورحمة الله وبركاته
صديقتي متزوجه من ٤ سنوات تقريبا وعندها طفلين
زوجها قبل سنه انسجن بسبب مشاكل وكانت حامل
و بعد سجن زوجها كان الايجار واضطرت تاخذ قرض من النك بسيط تقول توقعته يطلع بسرعه مثل هالمشاكل مايطولون بالسجن
لكن زوجها رفض انها تجلس لحالها مع عيالها صغار قال روحي لاهلك لين الله يفرجها وبيت اهلها ماكان فيه الا امها وابوها والمصاريف كانت على الله ثم معاش ابوها
وتقول انا واخواني وخواتي كل ماجينا لامنا وابونا نشري للبيت ونعطيهم مصروف
ومن جت لاهلها الله يوريكم كل يوم تشكي لي كل مصاريف البيت حطوها على راسها مع ان كل اخوانها وخواتها موظفين ومتزوجين والبيت مافيه الا ابوهم وامهم ويبونها تجيب شغاله علشان تنتبه لابوها وامها وكل ماسافروا او سيروا خواتها وحريم اخوانها جابوا عيالها عندها يقولون عند امي انتي مالك شغل وامهم فوق ال٧٠ سنه وينها ووين الاطفال وماكانوا يجيبونهم اول يوم البيت مافيه الا امها وابوها ماصاروا يجيبونهم الا لما صارت هي فيه بدون محد يسألها اذا تتحملينهم او تبينهم
غير اغراض عيالها اللي ياخذونها بدون اذن والعاب واكل وكل شي
حتى شغالتها قالت اذا مارجعنا لبيتنا لحالنا انا بسافر لديرتي ماني ملزومه بعيال خلق الله
هي الان استشارتني وانا بستشيركم لاني بصراحه ماادري عن الاسعار والمعيشه
تقول ان راتبها مايكفي تاخذ ايجار وزوجها يرفض يشوف ان بيت اهلها فاضي مايدري بالخافي لكن البنك يسمحون لها تاخذ قرض عقاري
تقول اذا خذيت بيت من البنك مايبقى من راتبي بعد مااخصم الاقساط والشغاله ومشاوير السواق والنقل مايبقى الا ٣ الاف ريال
وهي تقول بجلس فيه لو يرفض زوجي بطلب الطلاق بقول تعودت على الاستقرار وبستمر مستقره لانه تعقدت اموره وكل شوي يقولون بيطلع ومايطلع سبحان الله


المهم شرايكن بقرارها ؟ وهل ٣ الاف كافيه للمعيشه لها ولعيالها ال٢ ؟ اعمارهم ٣ سنين والثاني ٨ شهور
انا نصحتها بالاستقرار صراحه لكن ٣ الاف ماعرفت شلون اقسمها اخافها تحتاج خصوصا ان عيالها صغار توهم
والشي الثاني يمكن تشتري من هنا ويطلع زوجها من هنا ويتعود انها هي تصرف عليه