تبي تعرفين ولد أو بنت تعالي بسرعة ؟؟

السلام عليكم ورحمة الله وبركاته
خواتي ادري ان بمجتمعنا الاغلبية يتمنون يجيبون اولاد فاللي عندها بنات تبي اولاد واللي عندها اولاد تبي بنات وكله من البيئة المحيطة ..
خواتي كثييييييييير منكم يسالون وشلون حمل الولد وكيف حمل البنت والوحام والاحلام والالم ومكان الحركة و.....الخ وانا تاكدت وشفت وسالت كثير وبالنهاية استنتجت وبشكل قطعي ان حمل عن حمل يفرق ورحم عن رحم يفرق بلا كلام امك بلا كلام جدتك وإذا الوحدة فحملها يختلف حمل عن حمل فما بالك بالنساء الثانيات ..

اضرب لكم بعذ الامثلة :::
بالنسبة للاحلام : في نساء اذا حلمت بالذهب يكون ولد وفيه العكس وحتى لو تسالينها بتقول اذاحلمتي بالذهب يعني مية بالمية ولد .. وفيه حريم اعرفهم اذا حلموا بالذهب يعني بنت .. سبحان الله يعني حتى الاحلام على حسب اللي انتي متعودة عليه .. يعني اذا بحملك للولد كنت تحلمين بشيء معين فراح يستمر وياك والله اعلم والعكس ..
بالنسبة للحركة ترى كل حمل يختلف عن الثاني واكبر دليل شوفوا ردودكم انتوا بنفسكم على مواضيعكم في حريم يقولون اذا يمين ولد واذا يسار بنت وفيه العكس والحركة اللي تحت برضوا على حسب والوحام كذلك ..

وصدقوني حتى نوعية الاكل في ناس يقولون اذا تشتهين الحلا يعني بنت واذا الحامض يعني ولد وفيه ثنتين اعرفهم وحدة بحملها كرهت شيء اسمه حلا وهي تموت فيه وحتى الطبيب بعد السونار قال ولد وانصصصصصصصصدددددددددمت لما جابت بنت لان الحركة والوضعية كلها تدل على انها ولد وبالنهاية جابت بنت ؟! مع انها بحملها ببكرها الولد كرهت الحلا وحبت الحامض وجابت ولد ..
والمرة الثانية تاااااااكل حلا بكثرة وتوقعتها بنت وبعدين طلع ولد ..
وبالنسبة لالم الورك اللي حتى العجايز يقولوا ولد وفيه نساء ماتتحرك من الم الورك وبالنهاية يطلع البيبي بنت ..
وكذلك بالنسبة للشعر في نساء اذا شعرها يكثر يعني بنت واذا يقل يعني ولد وفيه العكس تماما واللي عندها اولاد وبنات راح تلاحظ الفرق احيان كذا واحيان كذا ..
يعني مافي شيء قطعي يدل على الحمل ابدا بس احتمال يكون الحلم فقط والحلم اللي انتي متعودة عليه في نساء اذا حلمت ببنت يجيها ولد وفيه نساء العكس وفي نساء زي ما تحلم تجيب ..وفيه نساء اذا حلمت بالحقيبة او الحذاء بنت وفيه العكس ..
وفيه ناس اذا جتها حموضة بحملها تكون حامل بولد وناس العكس ..
يعني مافيه اي شيء مؤكد الا اذا ولدتي واقرب شيء تقريبا السونار ومع ذلك احيان يقولون ولد ويطلع العكس واحيان يقولون بنت ويطلع العكس بس الحين مع تطور الاجهزة قلت نسبة الخطأ ..
ولو الله كاتب انك تعرفين جنس الجنين اثناء حملك كان عرفتيه ...
أدري طولت عليكم ..
وأسأل الله العلي القدير أن يرزق كل محرومة الذرية الصالحة ويرزق كل أم ما تتمنى اذا تبي بنات يرزقها واذا تبي عيال يرزقها .. والله يكتب لنا ولكم اللي فيه الخير والصلاح والسعادة والتوفيق
واتمنى ما ثقلت عليكم .. بس هدفي عشان أأكد لكم ان مافي شيء أبدا يجزم لا حلم ولا الم ولا مكان ولا حركة بجنس الجنين لان النساء تختلف والارحام تختلف وأصلا حمل عن حمل يفرق ..
ودي أشوف ارائكم اللي يؤيد واللي يعارض وانا ما كتبت موضوعي الا بعد ما سالت كثير من النساء .. وكثير من ذوات الخبرة
الله يوفق الجميع لما يحب ويرضى