السلام عليكم, أخباركم؟
ندخل في الموضوع بصراحة أنا كل ما جتني مشكلة وكتبتها هنا أرتاح أكثر لأني أبي أفضفض!
من أول ما بديت دراستي لهذا الترم وأنا كان معاي صديقتين وحدة أوك والثانية زعولة مرره وحساسه بس بزيادة ومبالغة وتحس أنها تبغى الزعل! والشي الثاني كمان جمعت هالصديقتين مع ثنتين غيرهم (أنا اللي جمعتهم وأسستهم) وصرنا 5!
أنا مكاني كان وسطهم بالفصل .. (نظام الجامعة صف كامل متشابك) وجت ذيك الزعولة وتهاوشت معاي على مكاني .. وتقول أنا كنت قاعدة قبلك وانا صح غيرت مكاني عشانها لكن ما رضيت! وأصلاً كلنا قدام يعني ما تفرق وسط ولا طرف! تبي مكاني مدري ليه لكن عرفت السبب بعدين .. أنها تبي تصادق الثتين اللي انا صادقتهم وانها تبي تتركنا وتروح معاهم فخطوتها انها تعزلني انا وصديقتنا اللي معها عنهم عشان ما نخرب عليها خطوتها هذي! هذا اللي استنتجته من أفعالها الغريبة ذي!
نجي ليش زعلت علي وما تبي تكلمني!
قامت تسوي حركات غريبة واي شي تزعل عليه .. يعني مره تهاوشنا ليش اني حطيت كريم فيه ريحة زي العطر وما علمتها! ومره ما تبي تسوي نشاط وتبينا نسوي كلش عنها ولا بتزعل! وكل شي نقوله ولا نقرره بالنشاطات لازم تخالفه وتطلع أي عذر تافه لها! يعني أنا بنفسي قلت بتحمل وبكتم عشان ما اخسر صديقاتي وما اخسرها! حتى رحت واعتذرت مع انها هي الغلطانة!
مره وحدة غابت من الثنتين اللي كانت هي مصادقتهم علينا .. وقامت تزحف كرسيها عني وتحط شنطتها بيني وبينها حاجز .. سالتها ليه .. قامت جابت عذر اتفه من الذنب اللي سوته! انا هنا ما سكت رديت لاني خلاص كتمت اللي اقدر عليه ولولا الله ثم الاستاذ ما وقفنا!
انا خلاص هنا قررت اني اتركها واتجاهلها وبس خلااص .. بس مشكلتها انها تصادق صديقاتي علي وتروح تتمشى معاهم يعني تبي تفرق الشلة عشان البنتين ذوليك اعجبوها اكثر مننا انا وصديقتنا الثانية!
أنا هنا ما ادري وش اسوي .. هل اتركها واترك صديقاتي اللي معها ام اني اسوي شي .. للعلم اني تكلمت مع صديقتي اللي تحاول تعزلها عني وقالت ان مالها دخل يعني مشكلة بيني انا والزعولة ولازم نتفاهم .. وانا ما ابي التفاهم لاني حاولت اصلا والزعولة تجاهلتني فقلت اذل نفسي لها ليش! وصديقتنا اللي بقت معاي كمان تشتكي منها زيي! بس هي تجاهلتها وصبرت بس انا ما ابغى اصبر! للعلم اننا كلنا بسنة تحضيرية في الجامعه يعني اللي صادقتهم يمكن ما نستمر مع بعض! ناس تنجح ناس تسقط ناس تاخذ ترم تحضيري ثاني! يعني الشلة كلها مصيرها تتفرقت تماما!
يعني هل اني اترك الشلة تنقسم لنصفين؟ او اني اكمل مع صديقتي اللي بقت معي واصادق غيرهم؟ للعلم اني صديقة مع جميع القاعة اقدر اعوض عنهم بعشرة!
اتمنى تساعدوني وتعطوني ارائكم ولو انكم بمكان وش تسوو!

لفلي سبرينكلس @lfly_sbrynkls
عضوة جديدة
يلزم عليك تسجيل الدخول أولًا لكتابة تعليق.

صار لي موقف قريب من موقفك
كنت انا ووحده مع بعض من اول الترم
وكان فيه وحده جديده وبحالها ومحد يكلمها وباين عليها الخجل بديت اسولف معها و دخلتها معنا
واللي كنت احسبه موسى طلع فرعون
اخذت زميلتي " ماراح اقول صديقتي " ووحده ثانيه مالها شخصيه يعني ديكور في الشله وصارت الزعيمه عليهم ههههه
طبعا بهدوء انسحبت و صراحه صادقت وحده كذا عناد
بس هالموقف أثر فيني بالبدايه بشكل كبير
بس بعدين نسيييت
بالنسبه للزعوله اللي معك فرقاها عيد خليها تصاحب مين ماتبغى
لان ياقلبي اختيارك لصديقاتك يأثر بشكل مباشر في دراستك
وش تبغي بوحده اتكاليه وكلها طاقه سلبيه
كنت انا ووحده مع بعض من اول الترم
وكان فيه وحده جديده وبحالها ومحد يكلمها وباين عليها الخجل بديت اسولف معها و دخلتها معنا
واللي كنت احسبه موسى طلع فرعون
اخذت زميلتي " ماراح اقول صديقتي " ووحده ثانيه مالها شخصيه يعني ديكور في الشله وصارت الزعيمه عليهم ههههه
طبعا بهدوء انسحبت و صراحه صادقت وحده كذا عناد
بس هالموقف أثر فيني بالبدايه بشكل كبير
بس بعدين نسيييت
بالنسبه للزعوله اللي معك فرقاها عيد خليها تصاحب مين ماتبغى
لان ياقلبي اختيارك لصديقاتك يأثر بشكل مباشر في دراستك
وش تبغي بوحده اتكاليه وكلها طاقه سلبيه

تفاؤل ♡
•
و عليكم السلام
من رأيي تتركينها بس يكون بينكم السلام و السؤال عن الحال يعني علاقة رسمية
وصديقتك الثانية الله يخليكم لبعض و لا يفرقكم استمروا مع بعض و سوي شلة ثانية افضل لك و الله يكتب اللي فيه الخير يا عيني .
من رأيي تتركينها بس يكون بينكم السلام و السؤال عن الحال يعني علاقة رسمية
وصديقتك الثانية الله يخليكم لبعض و لا يفرقكم استمروا مع بعض و سوي شلة ثانية افضل لك و الله يكتب اللي فيه الخير يا عيني .

يا حبي لكم كلكم اللي رديتو يا رب يرزقكم بجنات النعيم!
وفعلا صداقاتي بالجامعة تأثر بدراستي.
الله يكتب اللي فيه خير! والحمدلله اني مستغنيه عنها بس متحسفه بصديقاتي اللي معها خوفي تقلب عليهم!
وفعلا صداقاتي بالجامعة تأثر بدراستي.
الله يكتب اللي فيه خير! والحمدلله اني مستغنيه عنها بس متحسفه بصديقاتي اللي معها خوفي تقلب عليهم!

الصفحة الأخيرة
انا من رايي تخليني الامور تمشي من حالها ولاتتعبين نفسك بالتفكير صديقتك اللي بقت معك لاتخلين عنها والثانيه خليها ع راحتها صديقني انتي توك بسنه اول تحضيري راح تتفرقون غصب لذا لايشغل بالك هالموضوع..
تقبلي مروري🌹