تبي جنينك اذا كبر يصير حنون فيكي ؟؟؟

الله يرزقك برهم مدري بس احس لا انا بنتي ماسويت فيها زيك واحسها مره متعلقه في لدرجه اني لمن خليتها اسبوع عند اهل زوجي مرضت علشان كانت بعيده عندي على كلام الدكتور انها فاقده

ماشاءالله الله يحفظه لك ويقر عينك بصلاحهم يارب

يا أختي كان عيال أمهاتنا وجداتنا كلهم قاطعين فيهن ؛الصراحة ما قط سمعت هالكلام من حريمنا الكبار إن الطفل ينحط على صدر أمه أول ما يقطعون سره ؛بس الطب الحديث هم الي يقولون عشان يحس بالحنان ويرتاح الطفل ؛بس أنا شخصيا ما نيب بحاله ذيك الساعة ؛وبخصوص التعلق ولدي الله يحفظه بخامس الحين ؛جبت بعده طفل وهو ينام معي وما صار ينام لوحده غير لما جبت الثاني بعده وكان يومها بثالث ابتدائي ؛ينام معي ولما ينام اشيله لسريره ولو صحى جا ونام عندي بس الحمد لله بعد الطفل الثاني بعده صار ينام لوحده ؛وتراه مو الكبير فيه أكبر منه بس هو كذا 

مشكورين على مروركم ...

الله يحفظ لكم اولادكم ، ويرزقكم برهم ...

غيرررررررر صحيح كلام الاخت تدرين ليه

الامريكان اول مايولدون لازززززم يحطون الجنين مباشره على طول على صدر الام
وشوفيهم تفرق وتشتت ومابينهم بر زي المسلمين
واخرتها شوفيهم لازم بدار العجزة
مايقولون لا هذي امنا وابونا تعبوا علينا لا
خلاص كبروا نبي نعيش حياتنا بدون قيود يدخلون والديهم اذا عجزوا دار العجزة الين يموتون او يخلونهم ببيوتهم مايجونهم ولا يزورونهم الا بالاعياد

اختي ماحطت بنتها على صدرها بالعكس اختي جاها كرهه لبنتها بنفاسها كرهتها كرهه ماتحطها على صدرها ابد طول النفاس وكرهت زوجها لدرجة انها تبي الطلاق

الحين البنت يوم كبرت وعمرها ثلاث سنين متعلقه بامها حيييييييل حيييييل حيييييل
ماتحب تنام الا مع امها وبحجرها
ماتبي امها تروح لمكان
لو جاء ابوها ياخذها شوي يلفبها عشان امها مشغوله بالبيت بس يبي البنت ماتشغل امها تقعد تصيييح البنت تبي امها معها
ولا اذا اخذها ابوها لجدتها يبي يمرون امه شوي واختي بالبيت ماراحت معهم مايتحمل ابوها من صياح بنته تصييييييح تبي امها وهي عمرها ثلاث سنين
متعلقه بامها مره وهي مانومتها على صدرها لا يوم تولدها ولا بنفاسها

اختي الكبيره تحط ولدها بنفاسها على صدرها دايم يرتاح الصغير ومتعلق بامه وهو صغير بس الحين عمره تسع سنين شقي ومطلع الشيب براس امه مايسمع كلامه ومتعلق بابوه عشانه ابوه يطلعه ويوديه مشاوير


اصبري الاطفال يتغيرون مع السنين
كل ماكبروا كل ماقل التعلق

بنتي عمرها سنتين ماتتحمل تنام بسريرها لازم تنام جنبي بسريري
حتى لو اسدحتها بالصاله وانا مشغوله تصحى لاني مني جنبها
ماتبي ابوها زي ماتبيني تحس فيني لاصرت جنبها ولو قمت صاحت
ولا حطيتها بصدري يوم الولادة ولا بالنفاس نهائيا ماسدحها على صدري اخاف عليها تنكتم وكبرت ولا صدحتها على صدري انا اضمها بس لصدري وانا جالسه لكن اسدحها زي الامريكان انا انكتم واحس بنتي تنكتم هههههههه

لذا غير صحيح هالكلام الطفل اول عمره يكون متعلق بامه حييييييييييييل الين يكبر ويدخل مدرسه يبدا يقل التعلق اول سنين عمره

الفطره من الله عزوجل لكن مالها دخل نومت الصدر نهاااائيا قيسي هذا على الامريكان