تبي حرمة و أنا مثلك أبي رجااال !!!

تبي حرمه ؟
وأنا مثلك أبي رجّال !!
يشد حبال ظهري اليا البخت خانه


تبي حرمه ..؟
شعرها ليل وعين كنها الفنجال
وأنا مثلك ابي رجال
قليل اقوال واذا ينطق يقطر حكمة لسانه

أبيه أفعال ..
وأفعاله تتم بليل كتمانه


تبي حرمه ؟!
وأنا مثلك ابي رجال !!
ماهوب تمثال !
مكون من شنب وعقال


وثوب يسحبه خلفه ..
عجز في كيّه الغسال


أبي رجّال له مبدأ ... له أفكار تلخبطني
وضلعي المعوج اليا مال ..
يعرف شلون يضبطني


ابي رجال


لا شفته تذكرت العظيم الله
وذكرت النار والجنه


ابي لي شاعر عذري
له احساس يغرقني

ابي رجال !!
ماهو شاطئ ولاهو رمال
ولا بزنس ولا هو ريال
ولكنه
هموم أمه
وكيف نفوز بالقمة ؟
وكيف نربي الأجيال ؟


نخلي بنتنا أنثى
ونخلق في الولد رجال

تبي حرمه ؟
وأنا مثلك ابي رجال !


كثيره بدنيتي الأزوال


و قليل من بينهم رجّال.....!!