تبي دانه..؟وانا مثلك ابي رجااااال !!

تبي دانه. :27: .؟

وأنا مثلك أبي رجال.. :arb:
يشد حبال...ظهري الي البخت خانه...

تبي دانه. :27: .؟

شعرها ليل.. وعين كنها الفنجال...
وقد أهيف ميال..
وأنا مثلك أبي رجال!! :arb:
قليل اقوال..واذا ينطق..يقطر حكمة لسانه..
أبيه فعال..وأفعاله تتم بليل كتمانه...


تبي دانه. :27: .؟

وأنا مثلك أبي رجال.. :arb:
ماهوب تمثال..مكون من شنب وعقال..
وثوب يسحب خلافه..عجز في كيه الغسال..
أبي رجال..له مبدأ...له أفكار تلخبطني..
وضلعي المعوج لي مال..يعرف شلون يضبطني..

أبي رجال لا شفته...
تذكرت العظيم الله..وذكرت النار والجنة...
ابي لي شاعر عذري..له احساس يغرقني...
وهم به يأرقني..شعور الشخص في عينه...

ماهو شاطئ ولاهو رمال ولا بزنس ولاهو ريال..
ولكنه!
هموم أمة...
وكيف نفوز بالقمة؟؟وكيف تربي الأجيال...
نخلي بنتنا أنثى ونخلق في الولد رجال...

تبي دانه. :27: .؟

وأنا مثلك أبي رجال.. :arb:
يشد حبال ظهري الي البخت خانه...


كثيرة بدنيتي الأزوال...
قليل بينهم رجال...

..........منقول...............