تبي ولد تعالي نبدأ مع بعض (الجزء السابع)

الف الف الف الف الف الفا لف
مبــــــــــــــــــــــــــــروك
علينا التجمع السابع
***** الله يكون هذا التجمع حلو على الي ماحملوا ويحملوا
***** الله
بنات انا حابه انه هذا التجمع يكون بس للتجارب لان كثيرين يرسلولي
على الخاص يبغوا الطرق الي احنا بنسويها
فابغى كل وحده تدخل تكتب هيا ايش عملت الشهور الي راحت طبعا ابغاها بالتفصيل

راح ابدا بالحميه
وهي.....
الرغبات ب ذكر:
تناول : الصوديوم والبتاسيوم
الصوديوم : ملح الطعام
البوتاسيوم:




الفواكه الطازجة:: وأهمها الموز , والمشمش , والجريب فروت , البطيخ ، النكتارين , عصير البرتقال والاجاص والكرز البطيخ ، الدراق ، التفاح ، الأجاص، الخوخ التمر الفروله



و القرصيا




الفواكه المجففة .



الخضراوات الطازجة:: مثل الفاصوليا الخضراء , القرنبيط ( الزهرة ) , الذرة , البازيلاء, الفطر, البطاطا , بطاطا الحلوة , الكوسا, , الكرفس,البندورة سواء عصير أو ثمار أو معجون ويحبذ بقوة الباذنجان


الدجاج بدون الجلد وخاصة الصدر ، الديك الرومي و اللحوم والأ
الحبوب المجففة ::البقول وخاصة العدس والفاصوليا البيضاء المجففة الفول
رقائق الذرة . مثل ( الكورن فليكس)
الخبز الأبيض والأرز
ويسمح ببيضتين في الأسبوع
البيض : صفار البيض ممنوع أما البياض فمسموح


السكر والجلي والبشار,المربى, شيبس ,المقالي, القهوة, الشاهي, العسل, مارجرين الزبدة النباتية الزيتون, البصل

سجق و بسكوت و بيره والمعكرونه كل الاطعمه المملح والمحفوظه عن طريق التجفيف و التمليح

طبعا الي يسئلوا عن الحميه تبدا فيها الوحده قبل الحمل بشهرين

اما بعد الحميه
يجي وقت النبويض
وايضا الغسول المهبلي بكربونات الصوديوم
والي لاحطته من تجربتي انه الجاهز احسن من البودره
طبعا الوحده تستخدمه قبل الجماع بساعتين لاني انا استخدمته قبل الجماع بنصف ساعه منع الحمل ليا

وهذه طريقه دكتوره كويتيه طبعا منقول للفائده

- لازم تتابعين يوم التبويض عند دكتوره عشان هذي الطريقة ما تضبط إلا اذا كان يوم التبويض صحيح 100%
فيه بعضكم بيقول انا اعرف يوم التبويض، انا المشكلة الي صادفتني ان يوم التبويض كل شهر يختلف عن الشهر الي بعده مره يوم 15 مره يوم 17 مره يوم 18 من بداية الدوره الشهرية
(يوم التبويض هو يوم نزول البويضة للرحم يتم حسابه من اول يوم في الدورة )
تتابعين التبويض عند اي دكتورة تقوليها انا اريد اعرف موعد التبويض، الافضل تروحين لها بعد 10 ايام من بداية الدورة عشان تبدأ تحسب حجم البويضة وتخبركم عن انسب يوم للجماع طبعا ممكن تقول تعالي بعد يومين او 3 ايام عشان تتاكد من ان حجم البويضة كبر(يقولون لازم يكون حجم البويضة 18 او اكثر). بالنسبة لي تابعت عند دكتوره رحت لها بعد الدورة ب 10 ايام رحت لها وقالت لي تعالي بعد 5 ايام ورحت لها بعدين قالت لي بعدها البويضة حجمها صغير تعالي بعد 3 ايام طبعا انا بديت من بعدها اطبق الخطوة رقم 2
خواتي الافضل تستخدم الجهاز الداخلي عشان تتاكد اكثر من موعد التبويض الي هاذي صورته.




وهاذي بعد صورة ثانية للجهاز


2- رحت الصيدلية واشتريت Uralyt-U وهو عبارة عن بودرة لونها برتقالي مثل العصير في كرتون كبير لونه اخضر (ما في منه اي مضره) وظيفة هذا الدواء او العصير انه يخلي الجسم كله قلوي ( الجسم القلوي يخلي الحيوانات المنوية الذكرية هي الي تلقح البويضه ويبطئ الحيوانات المنوية الانثوية) كيف استخدمة : تستخدمينه لمدة 3 ايام قبل التبويض بيومين + يوم التبويض عشان يصير الجسم كله قلوي. بعد الفطور تحطين منه ملعقة (موجوده بالداخل) في كوب ماي وتشربينه، بعد الغداء تحطين 2 ملعقة في كوب ماي وتشربينه، بعد العشاء تحطين 2 ملعقة منه في كوب ماي وتشربينه. وحاولوا خواتي انكم تكثرون من شرب عصير البرتقال الطازج في هالايام وتقللون كثر الامكان من الحليب ومنتجاته عشان ما يتحول الجسم الى حامضي (مناسب لانجاب الانثي)


3- واشتريت بعد شرايط اسمها Combur Test
( Urine Test Strips )وتأكدي ان لفحص ال PH. هذي الشرايط بتساعدنا عشان نعرف اذا الجسم صار قلوي بعد شرب الدواء ولا بعده حمضي. طبعا لازم يكون معدل ال PH فوق 7 عشان تضبط الطريقة (اللون الاخضر رقم 8 او 9 احسن شي اذا اللون ما وصل الى 8 ما بيكون المهبل مناسب للحمل بالذكر). عزكم الله بعد كل مره دخول للحمام خذي عينة من البول في كوب وحطي شرايط فحص ال PH فيها وشيلها بتشوفين بعدين ان انتي تقدرين تحددين من اللون الي طلع اذا صار الحين الجسم قلوي وإلا بعده حمضي. خواتي بعد لازم تتاكدن ان الشريط كله دخل في البول تخلينه فقط لثواني وتطلعينه وتشوفين النتيجة. (علبة الشرايط بعد ما تطلعين منها الشريطه اغلقيها زين عشان هي تتاثر بسرعة الحرارة) وبعدين ارمي الشريط.






وهاذي الطريقة الصحيحة لمعرفة كم واصل معدل ال PH


ومثل ما قلنا لازم يكون اللون على الاخضر يعنى 8 او 9 افضل شي


واذا ما وصل لهاللون اشربي من الدواء الاخضر حطي 2 ملعقة واشربي منه وانتظري نص ساعه وشوفي الى اي لون وصل .


4- بعد خذي من الصيدلية محلول بيكربونات الصوديوم. وهذا حطي ملعقة صغيرة منه في كوب ماي دافي واستخدمي اداة الغسول المهبلي عشان تسوين دش مهبلي قبل الجماع بنص ساعه.


5- وخذت بعد فيتامين E فيه وحده فيه كذا منتدى مدحته والدكتورة نصحتها تخلي زوجها ياخذه كل يوم لمدة اسبوع او اكثر قبل الجماع.
طبعا فيه انواع وايد اختاري اي نوع وفيه الي قوته 400 او 1000 انا خذت الي قوته 1000



6- خلي الزوج في يوم الجماع (يوم التبويض يكثر من شرب القهوة بدون حليب عادي نسكافيه او ق***نا العربية وخصوصا قبل الجماع بنص ساعه ما اعرف شو الهدف منه بس في اخت في كذا منتدى قالت لي هالشي).
7- قبل الجماع (يغسل الرجل اعضاءه التناسلية بماء بارد بارد) لأن الماء البارد يسبب الشلل وبطء الحركه للحيوانات المؤنثه.


8- وضعية الجماع: السجود مع انزال البطن لأسفل .. وحتى بعد انزال الزوج يجب البقاء على هذه الوضعيه لفتره من الوقت لأعطاء الجاذبيه الارضيه مساعدة للحيوانات المنويه المذكرة.

خلطه العسل لتقويه التبويض
8 ملاعق عسل او 7
1 ملعقه زنجبيل مطحون
كاسه حبه البركه مطحونه
ملعقتان من طلح النخل
تخلط جميع المقادير مع بعض وتاخذ مرتان في اليوم