تتجسسون على أزواجكم ؟

بنات دائمًا أقرى في مشاكل البنات إنها تفتش المحفوظات بجهاز زوجها

وثانية تفتش رسائله

وبعدين تجي تبكي شفت وشفت

طيب ليه تهمين قلبك ؟

أنت أمه ؟

المشكلة إننا نحن لا نخلو من ذلك

بالله عليك ما تدخل بعض النساء مواقع تكره إنو زوجها يشوفها !

شوفي شعور اللي زوجها شكاك كيف معذبها ؟ طيب ليه أنت تصيرين كذا



نصيحة يا بنات لا تفتشين ورى زوجك ، الله ستره ، وحرام عليك تفضحيه

أذكر واحد من أقاربنا كانت أخته تراقب وراه، والله تعالى هداه ، وتزوج وصار رجال وبطل هالأشياء كلها

تقولي مازال أخوي في عيني ساقط لأنها فضحته يوم ربي ستره


كل إنسان له زلل وذنب أنت بكذا لما تفتشين تساعديه إنه يكمل ، ويصير بعدين يشوف قدامك

ما دام للأمرحرمه وعظمه خلي حرمته وعظمته في قلبه خليه خايف إنك تشوفيه بعدين راح يتخذ إجراءات أشد ، ويحذف الكوكيز و.....


بنات تكفون عشانخاطر خياطة

ريحوا بالكم لا تتعبون وقد تكون نزوة شيطان ، واللي الله استره عن عينك خليييييييييييه مستور


أكيد كل وحده منا باقي في بالها أشياء مو كويسة تجسست على زوجها وشافتها

طيب ليه ؟


أزيدكم أنا كنت أقرى بعد زوجي ، وأشياء عادي عند الرجال كلهم بس أنا كزوجة أكرهها

زوجي ما يفهم كثير في النت

فصرت أعلمه كيف يمسح المحفوظات ، ويسجل خروووج من المنتديات

وبربي ارتحت