جزاك الله خيرا اختي الغاليه كلامك خفف عني

قدر الله وما اء فعل

حمدلله على كل حال

ودمتم

جزاك الله الله خير وفعلا كلامك صح
كله بتقدير من العزيز الرحيم وتصدقين اني ماتحسفت او تندمت اني ماعرفت من زمان اني مسحوره وسبحان الله فعلا ربي له حكمه
يمكن لو بقولكم جزء من قصتي بتقولون سبحان الله ربي كاتب لي اني ماتزوج لسبب يعني انا مااكتشفت اني مسحوره الا من سنتين بس واكتشفته بالصدفه كنت مرافقه لمريض من عايلتنا وانا اللي كنت قايمه فيه ولدرجة اني اقرأ عليه الرقيه وانا مدري ان فيني شي ومره رافقتهم للشيخ وسبحان الله اطلع انا مسحوره ويتكلم العارض وشوفو شلون حكمت ربي ان هالشيخ نفسه رحت له قبل خمس سنين وقالي استمري معاي بالرقيه لاني تأثرت بكيت واستفرغت بس وبعدها مارحت ولاراجعت عنده وكنت اقول لامي مافيني شي بكائي عند الشيخ واستفراغي ضغط نفسي وخوف ورهبة من المكان سبحان الله ربي مو كاتب اني اشفى او اكتشف مرضي قبل خمس سنين
عارفين ليه لاني البكر لامي وانا الوحيده اللي اساعدها بكل امور حياتها ولما بدو اخواني يكبرون وحده من خواتي تخرجت وتوظفت واشتد عودها وبدت تتحمل مسؤوليه ربي اراد اكتشف سحري واتعالج وإن شاء الله ييسر زواجي ويبطل سحر تعطيل زواجي وتدميري وتفريقي مع امي تخيلو كل هالاسحار فيني بس سبحان الله مع ان يجيني حالات غصب انقلب على امي بس ارجع لها والله اني اتقطع من قوة السحر بس ربي اراد اني اكون اقوى من السحر واصبر واتحمل
والله يابنات مازعلت يوم عرفت اني مسحوره تقبلته برحابة صدر بس كنت مصدومه وماني مصدقه اني مسحوره وماقلت ليه مااكتشفته من زمان او ليه انا بالذات انسحرت فوضت امري الى الله وحمدت ربي على هالبلاء فربما يكون سبب في رفع شأني بالاخره وسبب لدخولي الجنه
مع ان والله يابنات انه مو ناقصني شي الله انعم علي بجمال ومال وظيفه ومو ناقصني شي الحمدالله وكان كل من يشوفني يستغرب تأخري بالزواج وكنت اقول نصيب وعمري مازعلت من اللي يسأل او يستغرب اصلا ماكنت معطيه الموضوع اهميه كبيره وكنت اقول نصيب وسبحان ربي لما اراد اني اكتشف اني مسحوره وابدأ علاج كل هذا لسبب لاني خلصت جزء كبير من مهمتي وهي مساعدة الوالده الله يحفظها لي وصار عندي اخوان يقدرون يتحملون المسؤوليه اذا تزوجت وتركت البيت
فاللي مسحوره او نصيبها متوقف صدقيني ماتوقف الا لسبب وغايه يعلمها الله سبحانه وتعالى وخير لك عظيم فلا تزعلين او تقولين ايش معنى انا
تصدقون عمري ماكتبت بالنت او قلت ليه ماتزوجت او تشكيت لخلق الله او مثل ماأقرا كثير من المواضيع
الحقوني انا عنست الدنيا صاكه فيني خلاص حياتي انتهت ليه ؟؟
لاني عارفه كل شي بيصير لي بإذن الله الواحد الاحد فلازم يابنات نحسن الظن بالله ونتقرب له
يمكن بعضكم يقول تقول هالكلام لانها صغيره او ماجربت تنحرم من الزواج والامومه لكن اللي تكتبلك ماهي صغيره انا بالثلاثينات
ولله الحمد والمنه ان ربي عطاني شكل اصغر من عمري
ونصيحه لكل وحده اهتمي بنفسك برشاقتك بشرتك مو معناته مسحوره او معيونه او ممسوسه اهمل عمري واخلي الجن تلعب فيني ابي كل وحده تقرأ موضوع الاخت جارة القمرر وردي على الموضوع تبتدي تعيد حسابتها وتسوي بحياتها نقطة تحول للافضل وللاجمل وماتندم على مافات وتحتسب الاجر والثواب من الله على مافاتها من سنينها الماضيه بدون زوج او ذريه واللجوء لله سبحانه وتعالى وبذل الاسباب المؤديه للشفاء من رقيه وصدقه وتنقية القلب من اي حقد والدعاء والتضرع خفية لله واللي امها عايشه تخلي امها تدعي لها ترى دعاء الوالدين مستجاب والادهان بالزيت وشرب السدر وعمل الحجامه والاهتمام بنفسك
اطلعي من الجو اللي انتي فيه غيري جو انزلي للسوق اشتري ملابس جديده مكياج كريمات حبي نفسك اغصبي نفسك على حب نفسك وأوجه كلامي للمسحوره لاني عارفه ان السحر يخليها متبلدة احساس حتى انها ماتحب نفسها او ماتعرف تشعر بالحب سواء اتجاه نفسها او اتجاه اللي حولها طنشي هالمشاعر المهم تطبيقها فعلي شلون ؟؟ مثل ماقلت اشتريلك شغلات حلوه لاهلك حسسيهم فعليا مو شرط كلاميا لاني ادري انه صعب عليك التعبير بالكلام لكن الفعل بإذن الله انك تحاولين وتتغلبين على المشاعر الكريهه اللي تحسينها تحطمك ادري ان اللي اقوله مو سهل وتطبيقه صعب بس عليك بالمحاوله انا مرات اروح السوق احس اني ضايعه تايهه مو عارفه ايش اشتري واطلع من السوق ماخذيت شي لنفسي واكرر المحاوله كم مره لين اتغلب على المشاعر والاحاسيي اللي فيني صدقيني لازم تكسرين الحاجز اللي داخلك وماراح ينكسر وتكونين او تحاولين تصيرين طبيعيه الا اذا حاولتي خليك مثل النمله اللي شايله كسرة خبزه وكل ماطاحت منها شالتها مره ثانيه ووهكذا لين تنجح بالمهمه وتوصل لهدفها ادري في منكم اللي امور حياتها متعثره لكن عليك بالاصرار و الإلحاح للوصول الى هدفك وغايتك والله يابنات اني قبل مااكتشف سحري كانت كل اموري ماتمشي لازم تتعكر مهما كان الشي بسيط يوقف وبأخر لحظه يمشي حتى لدرجة اني صرت اخاف اذا مشت اموري بسرعه اقول في شي بيعطلها وطبعا ماكنت ادري انه سحر لكن ربي معاي كنت اعزم واصر اني احقق اللي ابيه مهما شفت من صعاب
ادري كتبت واجد وقرقت عليكم كثير لكن ممكن وحده تقرأ كلامي وتطبقه وترتاح بحياتها
والله يشفيك يجارة القمر ويعافيك وينولك اللي في بالك
وارجو من تقرأ ردي انها تدعيلي بالشفاء بسرها
وهذا رابط موضوعي للمسحوره او الممسوسه للي تبي تدمر خادم السحر او الجن العنيد وفيه طريقة استخدام السدر وشربه والحجامه والله يابنات ان شرب السدر عظيم والله انه يدمر اقوى الشياطين المرد ويتعبهم
http://forum.hawaaworld.com/showthread.php?t=2427833