صباح الخير على كل الحلوين المواصلين والنايمين:40:... اليوم راح احكيلكم عن تجربتي مع هذا المنظف الرهيب
بصراحه اول ماقريت عنه من الاخت توليب عجبني ونفذته على طول واستغنيت عن المنظفات حق الماركات والخرابيط
وقبل كم شهر كنت اصول واجول في المواقع ولقيت لقاء مع الدكتوره ناهد ضمناوي (طبعا الكل يعرفها)وتكلمت عن هذا المنظف ومدحته مرررررررررره وطبعا انا ما صدقت ورحت ابحث وابحث عن وصفاتها ولقيت وصفة الحليب ووصفة الكولاجين والله يابنات والله يشهد على كلامي بعد فتره بسيطه من الاستخدام (تقريبا اسبوع او اكثر) قابلت وحده من قرايبي من غير مكياج قالت بشرتك مورده ماشاءالله اش مسويه ,قلت يمكن انا بشرتي من اللي تتقبل العنايه وقلت لاختي على الوصفات ولما قابلت اختي حسيت ان بشرتها متغيره,,, عشان كذا قلت اقولكم يمكن تحبوا تجربوها
منظف البشره:قشور ثلاث برتقالات + قشورثلاث ليمونات+لترماء (زي ماقالت توليب) تترك لتغلي على النارالى ان تصبح نص الكمية وتوضع في زجاجه نظيفه في الثلاجة وتستخدم على الاقل مرتين في الصبح والليل تضعين في قطنه وتمسحين فيها وجهك ورقبتك.
حليب البشرة: لتر ماء+3ملاعق دقيق حمص (من العطار)+1ملعقه ترمس مر مطحون , يترك ليغلي على النار الى ان يصبح نص الكميه ويوضع في زجاجه نظيفه في الثلاجه ويستخدم دائما بعد المنظف.
تقول الدكتوره اي قناع تبغي تستخدميه لازم قبله المنظف والحليب
كولاجين البشره ومقشر: كوب ماء+3ملاعق بذور قطونه(عند العطار)تترك لتغلي على النار حتى يصير شكلها زي الجل حق الشعر وخليها تبرد وحطيها على وجهك ورقبتك لمدة 20 دقيقه وغسليها بالماء الدافئ بعدين اغسلي وجهك بماء بارد.
اتمنى انى جبتلكم شي مفيدوما ابغى منكم الا الدعاء لي بالشفاء, واي سؤال انا حاضره.:39:
الداانه @aldaanh_1
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
رووعه يعطيك العافيه ع ذكر التجربه