تسلمي على الاضافة ست البنات
اضافة قيمة

صدقتي ياشيختنا والله يعطيك العافية

واتوقع ماراح تعارض الموضوع الا الجحود لنعم الله

:)

المظاهرات مايأيدها الا كل عابث ومفسد,,يبغى خراب البلد
لكن لمن عددتي الاشياء المجانيه اللي يحصل عليها المواطن
ليه ماذكرتي مستوا جودة هالخدمات,,,,كل وحده منهم اردا من الثانيه
بضرب لك مثال
الناس تموت من المرض وهم يدورون على واسطه عشان التخصصي بالرياض يقبل يستقبلهم,,,,طبعاً الموطنين العاديين
ممثل ومن حثالة المجتمع,,,عبد الله السدحان,,,بكل بساطه يحصل على سرير فيه,,,عشان فحوصات عامه
بلدي,,بلد الميزانيه الترليونيه,,,,,وتتوزع على دول الجوار ,,,والشعب غالبيته,,,لايملك بيت يأويه
القروض الميسره اللي تكلمتي عنها,,,متى تجي الواحد؟؟؟
بأي حق تتأخر القروض عن المواطنين,,,وصندوق التنميه العقاري,,,,يمنح قروض لدوله اخرى حتى تبني مساكن لشعبها
والمضحك بتأجيل التسديد سنتين,,,مع اسقاط بعضه
الخريجين والخريجات,,اللي بالبيوت,,,مالقوا وظايف,,,ليه؟؟
اقل شي يصرف لهم راتب,,,لين اجاد وظيفه
في مدرسه عندنا,,ثانويه اولاد ,,,فيها ثلاث مدرسين عرب,,,,,طيب واللي متخرجين,,,ليه مايحطونهم بدالهم
وغيره,,,,وغيره,,,,وغيره
لكن لاتربطون حب الوطن,,,,في حب مسؤل فاسد,
تتطور البلاد من تتطور شعوبها
وأول تتطور لشعوب معرفته ماله,,,وما عليه
نعرف ماعلينا ونؤديه
ونعرف مالنا,,,,ولانستطيع عليه,,,فــ لله المشتكى وعنده تجتمع الخصوم

ترى حتى بمصر وسوريا والعراق ودول المغرب العربي فيه مستشفيات حكوميه ومدارس حكوميه ودول الخليج بعد ,ويصرف للطالب الجامعي مكافأه ماليه بالدول العربيه كمصر والجزائر ولكن مكافاه الطلاب بدول الخليج أعلى والي ماهي مصدقه عندها قوقل تبحث وتشوف ,بالنسبه للولاده المجانيه فليست كل المستشفيات تستقبل مثلا بالرياض المستشفى الجامعي لايستقبل كل الحالات ومدينه الملك فهد تكون الولاده يابتحويل وحاله صعبه أو واسطه من الإماره ومو كل وحده قادره على الواسطه , وعلى فكره القطاع الصحي الحكومي لدينا جدا سيء تخيلي ولدي كان عنده عمليه لوز ولحميه ضاغطه على الأذن ويقول الدكتور فيه ناس لها سنتين وماجا موعدهم للعمليات ,بالنسبه للأرض والقرض الميسر هذا أسمع عنه منكم بس ,ولا كل الي نعرفهم أن اعطوهم أرض تكون بموقع صحراوي بعيد عن العمران والناس وبطريق سفر بالغالب ,والقرض مايجي إلا بعد 20 أو 25 سنه فما أدري وين السهوله واليسر فيه , الميزه الي نمتاز فيها من بين جميع الدول أننا دوله مليئه بالمغتربين الموظفين لدينا بينما أبناء وبنات الوطن يعانون البطاله والحاجه ولانجد سوى وعود بالحلول ولانرى شيء ,على فكره ترى تغسيل الأموات لما ذكرتي بانه مجاني تراه من أهل الخير هم الي يجهزون المغاسل بالكافور والسدر والعبايات وغيره وليس من الدوله ,والسعوديه تعتبر من أغلى دول الخليج والدول العربيه بالرسوم على المواطن ,فيه رسوم للجواز ,رسوم غرامه لاستخراج شهاده الميلاد أو الوفاه ,تأشيره العماله أغلى من باقي دول الخليج ,غير رسوم استماره السياره وتجديدها ,رسوم تجديد الاقامه للعماله ,رسوم دفع 2000 لكل عامل ,رسوم الجامعات لدينا مرتفعه لمن لم يقبل بالجامعه ,رسوم ساهر مرتفعه وتضاعف لمن يأخر الدفع وهذا من الربا الي نهى عنه الدين ,عندنا إرتفاع بالاسعار قياسا على جوده الخدمه سواء بمعاهد أو مدارس أو مستشفيات خاصه ,الحمدلله والشكر لله من قبل ومن بعد لانريد حروب ولافتن ولكن نريد ممن يتولى أمرنا أن يعدل ويراعي الله فينا وأن لايكون بيت مال المسلمين محصور لفئه معينه والفئه الأخرى تصفق لهم وتعينهم على ظلمهم ,نريد أن يعم الخير كل المواطنين فلهم حق بمال وطنهم فهم من سوف يحميه بعد الله .