تتذكرون هالاسامي ؟ ذكرينا باللي تعرفينهم انتي بعد !

صباح / مساء الخير

كيف الحلوات



انا عضوه قدييييمه
ولي فوق 10 سنوات

حصلت ظروف واضطريت اسوي لي معرف جديد

وكل مرره ادخل اشوف وش جديد يلفت نظري اسم جديد


ويبدا هالاسم ماشاء الله يبرز لين تصير محرره والا عندها مميزات او شهارات شكر وغيره
عليكم بالف عافيه جميعا :icon18:


بس لازالت فيه اسامي تمر في الذاكره بنات الله اعلم وينهم و وش سووا في حياتهم

فيه ناس اذكر مواضيعهم بس مااذكر اساميهم
وناس ماشاء الله مواقفهم لازالت بالبال وفزعاتهم لاتنسى
وناس زيي طلعوا لاسباب متلفه ودخلوا بمعرفات جديده
والبعض لازال موجود بس مايشاركك


جا ببالي هالموضوع
وقلت ليش مانتواصل ونسال عن الاخوات اللي كانوا معنا واختفوا
يمكن احد منهم معنا وحنا ماندري
يمكن احد منهم يفرح لو سالنا عنه ودرا باي طريقه


حبيت كل وحده منكم تذكر من اللي لازالوا ببالها وكانت تحب تشوف مشاركاتهم وتتواصل معهم


عني انا :
الغاليه عيون سعد مواضيعها كااااااااااااااااااانت بالبال وكان يعجبني اسلوبها واختفت الله اعلم وينها
الاغاليه طاطا بسطويسي الله يازمن كانت مثال لخفة الدم والحبابة الله يذكرها بالخير

اخر ماسمعت عنها اذكر هنا وحده من اقاربها دخلت بمعرفها وقالت انها عندها حالة لاسباب عائلية وماتخالط احد الله يشفيها ويعافيها يارب

وحده نسيت وش اسمها مع انه دايم كان ببالي اللي تكلمت مره عن المواقف المحرجه وقالت ا نها طاحت يوم العيد بباب بيت الشعر قدام عيالتهم كلها وكانت لابسه جلال صلاة عشان الرجال اللي مو محارمها وسوت نفسها دايخه من الفشيله :D

كانت قمة خفة الدم والاسلوب اللطيف <<<<< احد يذكرني باسمها تكفون :eek:

كان ببالي فوق 10 اسامي يوم جيت اكتب تبخروا
ان ذكرت احد رجعت اكتب عنه


انتي بعد شاركينا من تتذكرين؟ ووش كانت علاقتك فيها ؟ وهل تعرفين عنها شي بعد انقطاعها عنا ؟

في انتظاركم لوصل حبل الود :icon18: