تتركين امك تروح او لا ؟

مرحبًا بنات
كيف حالكم
كل وحده تحط نفسها بمكاننا
امي لها اخت وحده شقيقه عمرها ٦٠ وعندها
بنات متزوجات
وعند امي ٣خوات غير شقيقات
كانت علاقة امي بخواتها اللي مو شقيقات
فوق الممتاز
تموت فيهم ويموتون فيها دخلت الغيره للأسف بقلب
خالتي وبناتها كيف هم كذا مع بعض مره
صارت الله لايوفقها تحسد وتغار من امي
وتحفر لها لما وقعت بينهم
كانت تجي تعبي راس امي
وتروج تعبي رأسهم
سوت اشياء كثيره وبسنتين وهي تحفر
لما وصلت مرادها وصارت مشاكل بين امي
وخالاتي وتقاطعو خالتي وقفت بصف خاللاتي اللي غير اشقاء
ومن بكرا راحت خالتي الشقيقة عزمتهم وسافرت معهم
ونست ان عندها اخت وحذفت امي وبلكتها
من الواتس
مع انها قبل كانت تقول لامي ليش تروحين معهم
تسافرين ماله داعي سافري لحالك انتي وبناتك
انقطعنا سنين ماندري عن بعض
امس زوجه جدي انسانه كبيره وطيبه
اتصلت على امي تعزمنا لزواج خالي
امي تبغى تروح وانا رافضه رفض كلي ان احد منا يروح
لان اعرف النفوس اللي بقابلها هناك واعرف التطنيش
اللي بيصير لامي لدرجه بعضهم لما تمدين يدك
مايسلمون
لكن امي وأختي يقولو بنروح عشان مايهرجون فينا
الناس بفهم اي ناس ؟
متى درو عنا امي خايفه يقولون هي ماجات واحنا عازمينها
قلت طز توهم يتذكرن ان لهن اخت خليهم يقولون
اللي يبغون لكن قلت لامي لو بتروحين
لاتسلمين على خالتي وبناتها اللي اخت امي الشقيقة
لاني عارفه حركتها بتسفهه امي وتفشلها ولا راح تمد يدها عليها وممكن تسوي شي اكثر بعد وترمي كلام
خالتي هذا انسانه لو الشر له درجات اعطيها بالشر ١٠٠ بالميه
لو بمكاني تتركون امك او اختك تروح ؟
خاصه انه زواج مختصر يعني مافيه الا هم