تتعببت نفسياً !

                                      السلام عليكم 

مادري من وين ابدأ بس بدخل بالموضوع وأعذروني اذا أطلت عليكم من قهري بس وأتمني للنهايه تقرون .. وشكراً
اول شي انا خريجة ثانوي السنه هذي تخرجت والحمدلله بمعدل 99 
اختبرت القدرات والتحصيلي وطلعت نسبتي الموزونه 77اول شي انا احب الدراسه وأحب ادرس ولا أؤيد الجلسه بالبيت بطالي  .. للأسف ماانقبلت بجامعة الدمام بسبب  ارتفاع النسب كانت النتيجه مثل الصاعقه علي قعدت أبكي كأن ميت لي أحد وأغلبية صديقاتي دخلو للجامعه وانا طبعاً مادخلت هذي السالفه ببداية رمضان إلي هذا اليوم وانا مقهوره وكل مره احس اني فاشله وأقعدت ابكي وبالبيت كل من شاف وجهي قال ربت منزل وكأن الجامعه جامعة ابوي وأقدر ادخل ويتطنزون علي وكأنه ناقصني واروح غرفتي وأقعد ابكي انا مقهوره وهم يزيدوني حتي بنت خالتي الصغيره تصارخ علي تقول انتي ليش ماتروحين تدرسين !! وماما وبابا سوولي حفله بعد ماتخرجت من الثانوي وخالتي تقول تفشلنا سوينا لك حفله وما انقبلتي بالجامعه ^ترا والله ماله دخل .. وماقدرت استحمل الوضع وقررت ادخل معهد انجليزي مع 3 من صديقاتي بس ضيق الماده منعتني من الدخول .. والحين قاعده بس كذا وبتقولون فيه دورات عن طريق النت بس انا شغف الدراسه وحبي لها هي الي كاسره قلبي مايجبرها إلا قبولي للجامعه وكل ماقتنعت انها خيره ورضيت يجي احد ويحطمني تعببت وربي تععببت .. وسجلت عن بعد وأنقبلت ادارة اعمال بس ماما رفضت تقول حق الفاشلين وماكملت أجرائات القبول .. والحين انا جالسه بس كذا كأن ميت لي احد من وجهي الحزين .والله اني كل يوم اصلي الوتر وادعي ربي يجبر بخاطي وان شاءلله خير. اسفه طولت عليكم وشكراً للي قراء للنهايه وادعولي انقبل بالترم الثاني والله يوفقني واياكم اجمعين