حنا الان بالاجازه الصيفيه ......واللي مسافر واللي مشترك بنادي واللي واللي ...
وفيه اللي مثل حالاتي لا سفر ولا نادي ولا هم يحزنون
اذا حبيت اتمشى رحت للمجمعات التجاريه
كثيير اسمعهم يتشكون من المعاكسات ومضايقات الشباب لهم ......
وكثير اسمع اللي تروح من الصبح لليل ....وتجي تقول مالقيت شي ...ولا بدون فايده
وكثييير ....تروح بالالف والالفين ....والثلاثه ...وترجع بدونهم ...وتقول ماشريت شي مدري وين راحو
طيب سالتي نفسك ليه كذا يصير معك ؟؟؟؟
كثير يتشكون ولا ينتقدون ما يدرون انهم هم انفسهم السبب
يعني اللي يشتكون من المعاكسات ...مع احترامي للجميع .... يمكن قلة اهتمام مو قصد
هل طالعتي نفسك بالمرايه قبل تطلعين .....يعني لبسك ...شكلك ...عبايتك
....وحتى رجلك وجزمتك اكرمك الله وشنطتك .....كلها زينه للمرأه ...واي شي فيها ممكن يلفت النظر
ريحتك ....يمكن تعطرتي وعلقت بالعبايه ....يمكن بخرتي البيت وعلقت بعبايتك
وكلنا نعرف حديث رسول الله صلى الله عليه وسلم "أيما امرأة تعطرت فمرت على قوم ليجدوا من ريحها فهي زانية" رواه أبو داود الترمذي والنسائي.
طيب انتي تقولين انا لابسه ومافيني شي .......طيب معك بنات
هل مريتي عليهم قبل تركبون السياره ......شفتي عباياتهم ...لبسهم .....ريحتهم ....
لا تقولين صغيره توها...ولا مو حلوه .....ولا نحيفه وش يشوفون فيها >>>>>معقدتني الكلمه كثر ما سمعتها :(
......الشيطان شاطر ويزين لضعاف النفوس كل شي واي شي
لا تتهاونين باي شي واي نقطه
وبعدين تجين تقولين يالله اذونا وتعبونا
....طيب انتي متحجبه زين وكل شي ......مافكرتي انك ممكن تكونين مسويه ذنب ولا اذيتي احد ولا متكلمه باحد واللي يصير لك بسبب هالذنب
قال تعالى{ ما أصابك من حسنة فمن الله وما أصابك من سيئة فمن نفسك } (النساء:79)
ونقرأ أيضًا قوله سبحانه في سورة آل عمران: { قل هو من عند أنفسكم }
الشئ الثاني .........
تروحين وترجعين والفلوس تطييير ....وانتي كذا :icon810::blink: ...ما تدرين وين راحت
يعني على كثر الفلوس ما فيها أي بركه
وتطير زي لمح البصر بدون أي فائده
هل فكرتي مره بالسبب ولا ليه يصير هالشي معك
هل فكرتي انتي بايش تصرفين فلوسك ....(وعن ماله من اين اكتسبه وفيما انفقه )
هل فكرتي بانك بدل ما اتنفقين الالفين كلها ...تاخذين منها مية ريال صدقه لاي محتاج ....
ولا تشترين فيها ملابس لناس محتاجينها ..بدال ما يروح وقتك وانتي بس تدورين مالك أي هدف وتشترين اشياء مانتي بحاجتها
هل فكرتي باللي تشترينه ....وهل انتي فعلا محتاجته ولا بس فضاوه وحب للشراء
والنتيجه ...دولاب متكدس ....واذا جيتي تطلعين ماعندي شي البسه !!!!!!!!
اصلا قالها واحد من العلماء ( صاحب الثوبين مرتاح اكثر من صاحب العشره )
واذا تبين تعرفين قد ايش عندك اشياء مالها داعي ....شوفي اللي ينقلون بيوت جديده وشلون يتشكون من كثرة الاغراض على غير سنع
فكري زييين قبل تنفقين هالمال .....وزعيييه عدل وخلي للصدقه نصيب من مالك.... ( ما نقص مال من صدقه....بل تزده بل تزده بل تزده )
الزبده من كلامي كله
......انه فكري بنفسك قبل تتشكين او تتذمرين
....فكري بافعالك واقولك وعلاقتك مع ربك
.....وفكري بانه ( ما نزل بلاء الا بذنب ...ولا رفع الا بتوبه )
.....وفكري قبل لا تنطقين اي كلمه قد تكون غيبه او نميمه ام استهزاء بغيرك
......فكري انه للفقراء نصيب من مالك
يارب يكون كلامي خفيف عليكم :42: