تتعطرين إذا جيت تروحين لبيت, حمولتك ,بيت حماك أهل زوجك؟؟؟

السلام عليكم
كيفكم يا أحلى نسوااااان
تعرفون كلنا حريم ونحب الكشخة والزين وخصوصا قدام الحمولة موعشان شيء بس لتظهري أمامهم بمظهر حسن بحكم القرابة
سؤالي هل تتعطرين إذا جيت تروحين عندهم؟؟
إذا كان جوابك نعم كيف؟
ماتخافين ريحة العطر تفوح وتوصل لاخوان زوجك أو الرجال الغير محرم لك خصوصا إنكم يمكن تكونون بمجلسين قريبين لبعض أو في مكان واحد
مثلا أنا صراحة مرة متعقده من هالناحية الحمد لله أهل زوجي طيبين بس المشكله ما أقدر اخذ راحتي بلبس ولا بعطر
العطر ريحته تفوح
تخيلو مره كنت رايحه لاخت زوجي طلع زوجي يصلي يوم رجع من الصلاة قالي أنت متعطره بعطر بويزون ؟؟
قلت إيه قال ريحته فايحه من دخلت البيت
تخيلوا لو ان واحد من إخوانه شامها؟؟؟
وكلنا نعرف حكم هالشيء انه مايجوووووز
وبالنسبه للبس كلنا نجلس بصالة وحده
هم صالتهم كبييييره ماشاء الله خالي ابو زوجي يجلس بجلسه أرضيه أول الصاله وبآخرها فيه كنب نجلس عليه أنا وامه وخواته ودايم إخوانه العيال يجون يجلسون معنا يتقهوون ويسولفون وأنا منحشره بجلالي الي هو الشرشف الي اتغطى فيه
ما أقدر البس كعب تخيلو شكلي شرشف وكعب طق طق وانا قايمة ووأنا جالسة؟؟
والله إحراج
أول ماتزوجت ماتهنيت بلبسي تعرفون عروس ولبسي كله تيورات ذيل وشك ودناديش وحركات
والله إني مالبستهم عندهم المكان مايناسب ابداااااا
رحت وشريت لي تنانير جنز وأشياء عاديه وحتى شعري لو استشورته ولا جعدته وفكيته مت حر من الشرشف واضطر وارفعه
حااااااااله والله حاله
وش أسوي عطوني رااااااايكم ومشورتكم لاتطنشوني جاء الصيف وإن شاء الله نبي نروح لهم
وآسفه على الإطاله بس وش أسوي ره مقهوره
:26: :26: :26: :26: :)