تتهمني بالباطل

السلام
انا قاعدة كافية خيري وشري للناس
ولد زوجي امس رجع معصب من بيت جده
وقعد يقولي انه عمته تثقل دم عليه وتمصخره هي وبنات عمه وصارو يمصخروني قدام الكل وهم عددهم كبير
بعدين طلع من البيت وهو يسب وراح ورجع مرة ثانية بس كان متصفق مسكين مضروب وبعدين صار يبكي لانه حاول يضرب عمته وهي كفخته وهي صغيرة اخر العنقود عند بيت اهل زوجي مافي فرق كم سنة بينهم هي كانت بالمطبخ وهو دخل ضربها وهي السعلوة قوية مسكته كفخته تكفيخ يقول انها مثبته وعضته من يده وكفوف
الولد وجهه خريطة
انا مالي دخل فيهم زوجي رجع وشافه وبعدين حمل نفسه وراح بيت اهله كان قاعد يسب اخته يقول والله لالعن ابوها انا قلتله لاتهذري من الحرارة لي فيك ترا قاعد تسب ابوك وانت مو داري قالي انتي مسوية خفيفة الدم يعني وشال نعوله ورماهم علي اذاني فيهم من قوة ضربتهم وراح كمل طريقه وقالي ارجعلك اعلمك شغلك عشان تعرفين تسوين الكوميدية مع اني ماقلت حاجة
راح ورجع عند ابنه يقوله ياكلب ليه تضرب عمتك ياوصخ انا كذا مربيك انا على بالي هي ضربتك بس طلعت ضاربها ياقليل الحياء جاء بيضربه انا منعته ما احب الضرب ابدا حاولت بكل الوسائل وهجد قاله تعال بتروح تبوس يدها وراسها وراحو
ولايجي يقولي اختي مسوية مشكلة ومعصبة وتتهمك انك حرضتيه يروح يضربها ويرجع وامي موافقة عالكلام
انا والله انصدمت وزعلت ليه كذا تقول عني نسيو قبل فترة يوم توفى زوج اختهم الكبيرة والله ماتركتهم ٣ ايام واكرف بالبيت وعند اخته واستقبل الحريم لي يعزون انهد حيلي وعندي بنت عمرها سنة تحتاج رعاية وتاركتها وبعد كم يوم يتهموني اني انا حرضت الولد يروح يضربها والله العظيم مادريت بالسالفة الا منه ويوم شفته دخلته غرفته وكنت مع اخته يوم شفته يركض وطلع من باب البيت
انا قلت حق زوجي انت تصدق قال لا اعرفها من كيسها الكلام
قلت ليه ماتاخذ حقي قالي خلاص انسي السالفة كلها
من اتهامها الباطل اتصلت على ام زوجي اقولها ليه تقولين كذا تقول والله ماقلت حاجة وقعدت تصرخ تقولي متصلة ترمين بلا ترى مشغولة مالي خلقك وسكرت بوجهي
والله فيني غبنة كل مصيبة هذي الكرنيبة تحطها براسي او راس حريم اخوانه تكرهنا وغيورة كثير