شوفي اذا المشكلة الشغل جربي لمدة شهر او اقل انك تجيبين شغالة اما بالساعة اومن احد اقاربك وخليها تخلص شغل البيت وانتي تفرغي للعيال ولابوهم وحاولي قد ما تقدرين انك ما تتركين صلاة الضحى وقرآأت وردك اليومي للقران مع المحافظة على الاذكار الصباحية والمسائية ويكون لسانك على طول في ذكر لله والله بتحسين براحة وطمأنينة .او جربي تاخذي اجازة اذا ما حصل لك شغالة .
انا اعتقد ات المسألة هي ان الشغل كثر عليك لان البيت كبر وانتي متحمسه لترتيب البيت عشانك حاسه باستقلالية في السكن وزيدي على كذا انك موظفة فا وش بتلحقين عليه !!!؟؟؟؟
كان الله في عونك .
وجربي وما راح تخسرين شئ بإذن الله .

اختي العين موضوعها وارد .. يعني اكيد في ناس الله يسامحهم حاسدينكم .. فالحل هو التبخير والصلاة والاستغفار وكل ما حسيتي نفسك تعبانة آخر الليل استعفري وحاولي تقوين على نفسك وتجلسين مع زوجك .. ومن ناحية اخرى ، فأنا اشوف انك لما كنت عند اهل زوجك كان عندك غرفة وحمام لكن الآن اكيد بيتك اكبر من كذا ما شاء الله وانت ولأنه بيت جديد تراعين انه دايماً يظل نظيف ومرتب وهذا شعور طبيعي لكن انتبهي لنفسك لأنه هذا الشعور بدأ يؤثر على علاقتك مع زوجك .. خففي من ضغطك على نفسك والعمر يخلص والشغل ما يخلص .. اعطي كل شي حقه يعني زوجك حقه واطفالك حقهم وبيتك حقه ونفسك حقها وعملك حقه وبالنهاية اقول الله يعطيك العافية ويبعد عنك كل حاسد ..

اختي عليك بالمعوذات وسورة البقرة خليها دايم تشتغل في بيتك وحتى في السيارة وانتي طالعة الشغل ولا رادة لان العين حق .. ذكرتيني بأول ما تزوجت الكل انبهر بشقتي ودخلت في مشاكل مع زوجي لها أول ما لها تالي .. الله يحفظكم من العين.

الله يعينك ياقلبي والله ييسر امورك

آآآآآآه من العين والله ما كنت اتوقع إن العين لهدرجه حاااقده وحااسده
والله لما كنت اسمع كلام الناس عن العين والحسد ما كنت احس فيهم بس اللحين بديت اعرف عدل شنو هي العين والحسد وكيف الواحد يكون نفسيته لما يكون محسووود