تتوقعون اختي من اي نوع من الاخوات

السلام عليكم

مرحبا اخواتي انا عندي مشكلة مع اختي اللي تصغرني بسنتين احس ان فيها شوي من الانانية والغيرة مدري ليه بقولكم واحكمو ؟؟؟؟


احس اذا خطبني احد ماتنبسط لي على العكس احسها مكشرة ولاتتكلم عن الموضوع كثير واذا فيه مجال انها تعيبب في الخطيب تعيب وتتريق فيه واول مايتفركش الموضوع ترجع فرفوشة وتضحك وعادي ...

موقف ثاني جاني مرة واحد مواصفاته حلوة ويوم شوفتي نامت بدري ماتبغى تشوفني وانا داخلة مدري ليه ولما خرجت ماسالتني ايش اللي سار ... واللي عرفته من اختي الثالثة تقولي هي تجلس تقول عني مدري ليه يخطبوها وهي اجمل مني ... هي صح اجمل مني بس سمورة ومايعيبها سمارها بالعكس ... وغير كذا طبيعي الناس لا جو يخطبو يشوفو الكبيرة وبعدين اللي اصغر منها ...


ومرة قريبتي جالسة تقولي حاسة انك راح تتزوجي بعدي راحت ردت عليها تقول ايوة هما يدورو على اللون بس .. يعني تقصد مافيني جمال مدري عنها انا اتضايقت ومااتضايقت ... عاذرتها بس ليش وانا ماجرحتها ...

مرة جاها عريس وكانت طايرة من الفرح ومرة فرحتلها وجالسة اسويلها شعرها وهي جالسة تطل فية كاني مسكينة مع اني انخطب اكثر منها ...

احس كانها ماتبغاني اتزوج قبلها وتجلس تنق تنق في الموضوع وغالبا مايتم لي موضوع هو اكيد بارادة الله عز وجل اولا واخيرا

بس شوفوا ايش سوت اخر شي وحدة من صديقاتها كلمتها وكنت معاها في الغرفة وقالتلها انها تبغى تخطبني لاخوها وقدامي مسوية انها فرحانة وجالسة تقولي جبتلك عرس لقطة وبعدين سكتت على الموضوع مدري ايش قالت لصاحبتها من وراية اخاف ردته وانا ماادري حركاتها غريبة ولما اجي ابغى اتكلم معاها تسوي نفسها مشغولة ولاتطل في عيني ابدا ....
بالله احكمو انا على العكس اختي وان كنت متضايقة من تصرفاتها بس مااعتقد انها توصل لدي الدرجة مهما كان احنا اخوات ....