تتوقعون انها مجنونة ولا ايش

بنات عندي بنت عمي خطبها ولد عمي قبل سنتين المهم هي ماكانت تبيه وكانت تكرهه كره العمى واهلها رافضين يبونها له لأنه عاقل وشايفين انه مناسب جدا
بعد حرب طويل وبعد سنتين سمعوها وفركشو الخطبه وباقي زعلانين عليها إلى الان واحيانا يحاولون يحببونها فيه وكل يوم يتكلمون فيه تقول خلاص كرهت اسمه وهو عارف انها ماتبيه بس هو يبيها عشان شي واحد
عشانه فقير وكل اقاربه رفضوه لانه شكلا مو حلو يعني سمين وشكله اكبر بكثير عن عمره المهم البنات رفضوه عشان كذا والمصيبه انو ملتزم بس باقي ملاحق بنت عمي حجزها سنتين غصب وحرمها كثير خطاب والناس كلها قالت انها مخطوبه له
تقول بيرجع الحين يخطبها من جديد بعد مايتوظف طبعا هي باقي صغيرة 18 سنه وهو 25 سنه
بغض النظر عن الجسم هي نتفه عكسه يعني فرق كبير
طبعا قررت تسوي خطه يابنات ماتوقعت تفكيرها كذا احسها مسكينه قربت تنجن الله يهديها
تقول بخليه يكره اسمي تقول اذا كل بتوافق وبعد الزواج بتعيفه بروحه وبعدين يطلقها هو بنفسه ومستحيل يقربها😂 اقسم ضحكت وحزينه بنفس الوقت عليها انا خايفه تفشل خطتها وماعد يطلقها انا حاسه انو راح يمسكها مهما سوت وعاندت
بنات الي مجنني الحين هو انهها كيف تمنعه يقربها احسه مارح يسمع لكلامها وبيسوي الي يبي بدون رضاها لأنها خلاص زوجته حتى لو كرهها
يعني اقول يمكن تنجح انها تخليه يكرهاا لكن تمنعه من حقه مااظن
انا حاولت اقنعها بس رفضت قالت مستحيل مايقدر علي ولازم تنتقم منه تقول الحين كرهت الزواج بسببه وسببلها زي النفسيه مستحيل تسامحه تخيلو تدعي عليه وتبكي انا عارفة معاناتها بس سالفة الانتقام مادخلت بالي اخاف يصير كل شي عكس وتبكي بعدين على غباها وتظطر انها ترضى بالواقع