مافيها شئ اهم حاجة تتفاهمي انتي وصاحبة المقصف

موفقة غلاتي

خالص حبي وتقديري

مشكورين كل اللي ردوا علي والله يوفقكم ويرزقكم من حيث لاتحتسبون امين

مادري بس أكييد مو مسموح

اتوقع عادي ...

بس على حسب المديره

المقاصف ياغاليه بمدينة الرياض كلها باذات الحكومية اداراتها من خارج المدرسه شركة الخليج للتموين ويكونوا عاملات فلبيبنيات حتى بالجامعات يعني مستحيل انك تثقي فيهم واكيد شركتهم بتفصلهم لو عرفوا وتخافي يبيعوا اصلا اشياء ثانيه ويتبلوا عليك كل شي جايز وماضيعنا الا الثقه الزايده الموضوع مو سهل مو قصدي اخوفك والله يشهد من باب الحرص عليك
الاظمن لك انتي بنفسك او توكلي نقاشه سودانيه او كوفيره وتدور ببضاعتك ع المشاغل احلى شي
المدارس مايجي من وراها غير الغثى والله بكره يسوو لك مشاكل ماتدري عنها
وممنوع اصلا ان احد يبيع بالمدرسه لكن لو وحده من اخواتك معلمه ممكن تقول للمعلمات ترى عندي كذا وكذا اللي تبي تقول واجيب لها كذا عادي من معلمه لكن موظفات المقصف انتبهي والله
مع ان حتى المعلمة ممكن ترى يجيها تحقيق بكل بساطه
المشاغل استغلي الاربعاء والخميس والجمعه كل ماكنتي فاضيه خذي شنطة فيها عينات
صراحه كثير ناس يشتروا من البياعات اللي يجو المشاغل بشرق الرياض
الاقي عندهم اشياء حلوة ورخيصه حتى نفس الكوفيرات يشتروا من البياعات لانهم مايطلعوا عادة
اشوفهم والله اشتروا من وحده ماشاء الله بالفين وشوي كانوا مجموعه عاملات فلبينيات
والفلبينيات يحبوا يدلعوا حالهم ويموتوا ع الاكسسوارات والدلع والمكياجات الرخيصه

والله يفتح لك ابواب رزقه بخير وسعادة وستر ويكفيك شر المشاكل وتبعاتها وترى كلامي من باب الحرص عليك واخلاص النصيحه والله يوفقك يارب ويغنيك من واسع فضله