تتوقعون فيني عين

تعوذي من ابليس ياوخيتي ولا توسوسين
انا قبل لااتزوج كانت فيني نفس الاعراض اللي ذكرتيها وبعد ماتزوجت وجبت ولد رااااااااحت ولله الحمد كلها
طبعا عرفت وش سبب الاعراض اللي كانت فيني قبل وهو الفراااااااااااااغ
واستغفر الله العظيم كنت قبل اسمع الاغاني واذا كان الواحد بفراغ وبعيد قلبه شوي عن ذكر الله راح يصيبه نفس الحاله واشد
والصفره ياوخيتي اللي بوجهك من التفكير والهواجيس وضيقة الخلق اللي انتي فيها حاولي انك تشغلين نفسك وتنبسطين

ومايمنع هذا كله ان الواحد يرقي نفسه ومافيه احسن من ان الواحد يرقي نفسه بنفسه مو يروح لااحد يرقيه
وطريقة الرقيه هي بالاول تداومين على الاذكار وقراءة سورة الاخلاص والمعوذتين والكرسي ثاني شي انك تجيبين موية زمزم وتقرين فيها وتنفخين
وانشاءالله راح اجيبلك اسماء السور والادعيه اللي تقرينها

بس مثل ماقلتلك لاتحطين براسك فكرة انه فيك عين ترى الواحد يصدق نفسه ويعيش بوهم المرض وهو موب حاس وبكذا راح تدمرين نفسك وحياتك
وانشاءالله مافيك الا العافيه

احساس طفلة تعوذي من الشيطان ولا تدخلين نفسك في وهم ومتاهه ولو دخلتي دوامة العين والسحر ما خرجتي منها الاعراض اللي قلتي عليها مرة عليه وطلع عندي قلق نفسي والخمول والارهاق يجي من شدة القلق لانك ارهقتي عقلك وجسمك
وزي ماقالت الاخت فوق الفرااااااااااااااااااااااااااااااااااااااااااااااااااااااااااااااااااااااااااااااغ
دمااااااااااااااااااااااااااااااار
بس ما يمنع انك ترقي نفسك بنفسك وترا افضل من انك تروحي لشيخ
ونصيحتي لك اشغلي وقتك بالمفيد ل تعطين فرصة لنفسك بالتفكير في عين او تعب
بسألك سؤال ايش الاسئلة اللي دايما تدور براسك عن نفسك ؟؟
وهل بيجيك احيانا وسواس المرض ؟

المشكله انا ما عندي وقت فراغ العصر معهد الليل دوامي اجي تعبانه ومرهقه ومقدر انام من الارق والقلق طيب انا معاكم كلاكم صح طيب والثعابين الي اشوفها في منامي والله يا بنات اوقات اشوفها وانا صاحيه وش تبون اكثر من كذا وبديت ارقي نفسي واحصنها ارتاح شوي وترجع نفس الحاله وبذات اذا رحت لعزيمه وجمعت ناس او عرس خلاص احس زي النار في صدري وماني قادره اقعد ودي ابكي وابي اطلع من نفس المكان الي اانا فيه

شوفي حبيبتي انشاءالله بإذن الله مافيك الا العافيه
مره من المرات جأ برنامج في محطة الراي عن الشيوخ اللي يرقون الناس
ونوعية الناس اللي تجيهم مدري اذا انتي شايفته ولا لا؟؟
وقال الشيخ اغلب اللي يجون فيهم مرض نفسي
وسبب المرض النفسي انهم يتوهمون ويشكون بأنفسهم ان فيهم مس وعين وبالتالي يعيشون نفس حالة اللي فيهم مس وهم مافيهم شي
ويقول بعد الوهم اللي عندهم يعيشهم انهم اذا راحوا للشيخ يقرا عليهم يحسون براحه وهم مافيهم شي تخيلتي كيف التوهم يودي الواحد بداهيه
وللاسف انا كنت ضحيته من قبل والله مثل حالتك واحلام الثعابين كانت تجيني باستمرار وانا مو زيك ثعابين وبس لالا احلوم عقارب وبعارصى كانت متعبتني نفسيا وفعلا قسم بالله خفت انه فيني عين وصرت اخاف انام لاتجيني نفس الحلوم
وصرت كل مااصحى من النوم اكلم هالشيوخ يفسرون لي احلومي وهم اللي اتعبوني زود عن تعبي النفسي وفعلا وقتها ايقنت انه فيني عين
ويالله لك الحمد الحين بعد ماتعوذت من ابليس وطردت هالوساويس من بالي كل شي راح الحلوم المزعجه والتعب النفسي وكل شي حاولي انك ماتفكرين فيها ابددد وحطي في بالك انها كلها خرابيط ترى ابليس يفرح انها يلقالك مدخل عشان يلعبك بالوسواس ويمرضك
واكثري من قرايه القران وارقي نفسك بالقراءه على نفسك مو تروحين لشيخ زي ماقالت الاخت قراءتك لنفسك افضل
وبعد اقري بجيك فيه موية زمزم وخليه عند فراشك وقبل لاتنامين اشربي منه واقري وردك ونامي وماراح تشوفين الا العافيه
وطمنينا عليك

حبيبتي يمكن عندك رهاب الحسد هذا منتشر مرررررررره في الناس

تراه وهم والله ودي اساعدك بس اسمحيلي استعين بزوجي لانه محلل نفسي وساعدني كثير وساعد ناس حوله اذا ودك اكلمه وارسلك خاص وكمان بالنسبة للاحلام ترى تفسيرها مو اللي الي متعارف عليه انها عين وسحر لها مغزى تاني اذا حابة ردي لي 00