السلام عليكم ورحمة الله وبركاته
اليوم العصر كنت بجلسه مع ناس وجالسين يسولفون عن وحده مدرسه هالكلام من عشر سنين او اكثر كان زوجها مطلع عينها يضربها وبتفل بوجهها ويسبها قدام الناس وهي صابره ومتحمله ولاعمرها شكت لاحد حالها اسمها نورة انتقل لمدرسه نورة مدرسه جديده وهالمدرسه انسانه عاديه واقل من كلمه عاديه اقصد بالجمال وفي عينها عيب خلقي المهم انها في حالها ونورة شافت هالمدرسه الجديده ماحد عطاها وجهه قالت خليني احاول اصير صديقتها واحاول اسليها جلست معها وسولفت معها وعرفتها علي باقي المدرسات فجاه هالمدرسه الجديده غابت ونوره لانها طيبه تسال عنها ماحد عرف عنها شي راحت نوره للمديره تسالها قالت هالمدرسه ابوها توفي ومن يومها قدمت اجازه استثنائيه وماندري عنها شي خذت نوره رقمها واتصلت فيها عزتها وطبعا طلبت عنوان بيتها عشان تزورها راحت لها نورة يوم دخلت بيتها وجلست معها قالت وين اهلك امك وخواتك واخوانك مالهم حس لكون ازعجت قالت بالعكس ياهلا فيك اصلا انا ماكان عندي احد بهالدنيا الا ابوي الله يرحمه بموته صرت وحيده ماعندي احد وعايشه في هالبيت لوحدي وعشان كذا قدمت علي استثنائي لاني ماعندي احد يوديني قالت لها نورة ليش ماتزوجتي لحد الان قالت مين يقبل فيني بهالعيب احس مستحيل رجال ياخذني والله نفسي يصير عندي زوج وعيال واكون ام لكن الشكوى لله نورة طارت عيونها وبدت تواسيها طلعت نوره من بيت صديقتها وهي حزينه علي حالها وصارت تفكر فيها شلون تساعدها وفجاة جت فكره براسها ليش ماازوجها ابونا ايه راحت له وقالت وش رايك تكسب اجر في وحده ضعيفه ضروفها كذا وكذا وماعندها احد قال طيب موافق وراحت لخويتها وكلمتها قالت شلون اخذ زوجك مستحيل قالت ياختي انا راضيه وهو راضي المهم توافقين وافقت البنت وتزوجت زوج نورة طبعا نورة بعد الزواج حست بالغيره وكانت تدعي ربها وتقول يارب انا سويت هالشي عشان استر يتيمه يارب لا تخلي اللي سويته ينقلب علي راسي ويكون سبب في اذيتي مرت الاشهر وزوج نورة كل ماله يتعدل باخلاقه وتصرفاته معها وصار يحترمها ويسمع لشورها الزوجه الجديده حملت ونورة تساعدها وتوديها وهذيك شايله جميل نورة وتعاملون كنهم خوات بالبيت يوم جاء وقت ولادتها جاها نزيف شديد وتوفت هي وولدها نورة ضاق صدرها وجلست تبكي عليها بعد فتره طبعا الزوج من حقه يرث زوجته بدا الرجال يدور وش ورى اللي توفت من حلال تفاجاء انها كتبت كل شي باسم نورة وكتبت ورقة يانورة انتي سترتيني واخذتي اجري يوم زوجتيني زوجك وحافظتي علي وانا الحين برجع لك معروفك وكتبت كل شي تركه ابوي لي باسمك حلال لك والله يسترك دنيا واخره مثل ماسترتيني
تتوقعون ممكن حرمة سعوديه تسوي مثل ماسوته نورة والا انها قصه من نسج الخيال ؟؟؟؟!
يلزم عليك تسجيل الدخول أولًا لكتابة تعليق.
روزال99
•
كل شي بالدنيا ممكن يصير لا تستبعدي اي اشي
رفـــــــــــــــــــع
دعوتكم لي
اللهم ارزقني ولدا تقيا ذكيا ليس في خلقة زيادة اونقصان عاجلا غير اجل اللهم امين اللهم استجب اللهم استجب اللهم استجب
وجمميع المسلمين
وصل اللهم على محمد وال محمد
رب اني لما انزلت الي من خير فقير
دعوتكم لي
اللهم ارزقني ولدا تقيا ذكيا ليس في خلقة زيادة اونقصان عاجلا غير اجل اللهم امين اللهم استجب اللهم استجب اللهم استجب
وجمميع المسلمين
وصل اللهم على محمد وال محمد
رب اني لما انزلت الي من خير فقير
ʀooмa
•
صح كلام الاخت روزال
سبحان الله بإرادة رب العالمين كل شي يصير
مو شرط سعودية مثل ماذكرتي الخير باقي في امة محمد صلى الله عليه وسلم
سبحان الله بإرادة رب العالمين كل شي يصير
مو شرط سعودية مثل ماذكرتي الخير باقي في امة محمد صلى الله عليه وسلم
الصفحة الأخيرة