فرناز @frnaz
عضوة شرف في عالم حواء
تتوقعون لو سوينا كذا بنكون ضعاف شخصيه ؟؟؟
::
::
::
::
بدايتا اكيد الكل يبحث عن رضى الوالدين ولكن من باب التذكير
ياليت اللي مزعله امها او ابوها تقوم الان وتسلم على يدينهم
وتطلبهم يسامحونها ويدعون لها...
قومي وابدأي مع زوجك صفحه جديده ...
تنازلي وتغاضي وتغابي احيانا لتسعدي
وهو برضو لازم يفهم هذا الشي..
اعتذري عن اي خطأ ارتكبتيه...
ومن اليوم لا ينام الا وهو راضي ..
اختك ،، خالتك ،، عمتك ،،جدتك،،،ام زوجك ،،،بنتك ،،،
جارنك ،،، مرت اخوك ،،اخت زوجك....سلفتك....وجميع محارمك ...
الكل بدون استثناء لو كان بينكم زعل والا وقفة خاطر بادري بالسلام
ولك الاجر...
لاتجعلي للشيطان مدخل ويبدأ يقول ايييييه روحي واطلبي من اخت
زوجك تسامحك؟؟
عشان تأكدين للكل ان الخطأ منك...وتكبرين راسها...
والله بكره تستهتر فيك وووو...
لا ياعزيزتي تعوذي من الشيطان وروحي وقولي لها الحديث
(اللي بذكره بنهاية موضوعي)
وقولي بصراحه ماني بايعه آخرتي على امور ماتسوى ......
والاعتذار ممكن يكون برساله او هديه مو شرط
وجها لوجه...
نصيحه اختي ابعدي عن المشاكل قدر المستطاع
حتى لو تجي لحدك حاولي تحلينها بعقل
وبدون ماتغلطين او تجرحين ...
ولا تكون المشاكل هي سبب لقطيعة رحم او زعل يطول ...
تذكري الحديث قبل تردين على اي شخص غلط عليك ...
والله الموت يجي فجاءه وبدون استأذان....
والايام هذي موت الفجاءه كاااااااااااااثر..
اسأل الله ان يحسن خاتمتنا جميعا .
و الدنيا اصلا ماتستاهل ...
اذا اللي قدامك راعية مشاكل وسليطة لسان ..
هي اللي متضرره من هذا الشيء،،
طنشيها ومو لازم تآخذين حقك...
بس اهم شي اعرفي كيف تتعاملين معاها
يعني حطي حدود بينك وبينها وعامليها برسميه وبما يرضي الله ..
آآآآآه تخيلو معي الان القبور كيف شكلها وكم فيها :44:
اكيد فيها ناس ماتوا وهم على خلاف مع ناس :(
اسأل الله ان يغفر لنا اجمعين .
ولا تنسون علاقتكم بالمنتدى خلي الكل اذا غبت يدعي لك...
كوني حريصه بردك لاتجرحين ولا تستهترين ولا تغلطين ...
اتيـت القبـور فناديتهـا
فاين المعظـم والمحتقـر
وايـن المـذل بسلطانـه
واين المزكى اذا ما افتخر
تساووا جميعا فما مخبـر
وماتوا جميعا ومات الخبر
تروح وتغدوا بنات الثرى
فتمحوا محاسن تلك الصور
فيا سائل عن اناس مضوا
اما لك فيما مضى معتبـر
هذا الحديث يخلينا نفكر عشرين مره قبل نرد على أحد..
عن أبي هريرة رضي الله عنه قال : قال رسول الله صلى الله عليه وسلم :
(تعرض الأعمال في كل اثنين وخميس فيغفر الله عز وجل في ذلك اليوم
لكل امرئ لا يشرك بالله شيئاً إلا امرأً كانت بينه وبين أخيه شحناء
فيقول : اتركوا أو أركوا هذين حتى يصطلحا)
رواه مسلم
شحناء : بغضاء على أمر الدنيا
أركوا : أخروا هذين .
22
1K
يلزم عليك تسجيل الدخول أولًا لكتابة تعليق.
جزاك الله خير
الحمد لله ماني زعلانه على احد من قرايبي
الا وحده هي اللي غلطت علي
بس مافي قلبي ذاك الحقد عليها
الله يسامحها ويغفر لنا
الحمد لله ماني زعلانه على احد من قرايبي
الا وحده هي اللي غلطت علي
بس مافي قلبي ذاك الحقد عليها
الله يسامحها ويغفر لنا
الصفحة الأخيرة
وتبعد عنا الزعل