تتوقعون وش السر وراء انجذاب الناس لها ودي اصير مثلها!!!!

يسعد لي مسائكم ياحلوات
بالعيد اجتمعنا اجتماع كبييير مرره اهلي واهل زوجي واعمامي وخوالي يعني اجتماع كبير وناس اول مره تشوف بعضها وحده من بنات عمي يابنات واللي خلقني وخلقكم انها مره عاديه اعرفها زين اجيهم كثير ببيتهم وتجيني بدون مكياج مره عاديه بالمناسبات وش اقولكم بس تلفت الانتباه بشكل غريب عجيب لدرجه خوات زوجي على طول من دخلت من الباب سالوا عنها اول مره يشوفونها
فيه الاجمل والاشيك منها بس ماسالوا عن غيرها
وهذي ماهي المره الاولى لا كثير اشوف نظرات الناس لها باعجاب لدرجه وحده قالت لنا وحنا جالسين بنت عمكم ذي تهبل ووجهها ماينمل منه
طيب والمزاييين اللي حاظرين ليه مالفتوا الانتباه مثلها
لاحد يقول انتي حاسدتها بالعكس هذي من اقرب بنات عمي لي وبينا عيش وملح وماستغني عن جلساتها معنا
بس هل فعلاً فيه شي اسمه القبول من الله
واذ مافيه وش اللي يخلينا نصير مثلها
لاحد يقول اساليها لان مافيه شي اسالها ايه ؟! انتم بنظركم اجتماعيا كيف نصير مثلها