تتوقعون يرجعني ولا يماطل

السلام عليكم
زوجي رسل لي رسالة امس
يقولي السلام عليكم ها ترجعين ولا نبدأ الاجراءات يوم الاحد وورقتك تكون بيدك قبل العيد وكرت دعوة زواجي يكون بيدك ثالث يوم العيد
مارديت عليه ابدا وطنشته
جا بعدها صار يرسل رسائل صوتية يعاتبني فيها يقولي الماكينة مازبطت والسيارة معدومة ومدري ايش
انا قلت له لاتمسك السيارة شرارة علي عشان تخرب بيتنا اخوك من قبلي كسر ماكينتها والثاني لعن خيرها لاتجي عندي لو فيك خير كان هاوشت اخوانك مو تحط قوتك علي وبعدها
قلت له تبغى تطلق طلق وانا انتظر ورقتي وحضانة بنتي واخوها لي ونفقتهم عليك غير كذا ماعندي وروح مع خرابة البيوت لي بتخطبها انت وامك
انقلب مثالي
صار يقولي انتي غبية تبغي تدمرين حياتك وحياة عيالك عشان قرارات تافهة وانا ما اطلق عشان بنتي واخوها لي جاي بالطريق
ويقولي لو فكرتي وتنازلنا شوي عشانهم بكرى لاتطلقنا انا بتزوج وانتي تتزوجي وهم تبقى الدنيا تصفق فيهم مرة عند ابوهم وزوجته ومرة عند امهم وزوجها وبيت جدهم ويعيشون طفولة بائسة
قلت له لاتسوي هالدراما لانك انت بكل مرة تقولي اطلقك لو انهم هامينك فعلا ماجبت طاري الطلاق على لسانك وانا ما ابغى اتطلق بس لو تبغى انت عادي ماتفرق معاي ابدا
جا قالي لا خلاص خلنا نفتح صفحة جديدة وننسى الماضي كله
بس الحين مارح ارجعك لاني برجع بسافر مع اخوي للبحرين خليكي وانا يوم اخلص يبغالي اسبوع واجي اخذكم
ما ارتحت له ابدا ولكلامه قلت له يافلان لو براسك موال غنيه لي انا قاعدة اسمع
يقولي ايش تقصدي
قلت له يعني لو تتزوج علي وانت متحجج بسفرك وبعدها تجي تحطني تحت الامر الواقع لا والف لا
قولي من الان عشان ارتاح
قالي لا تخافين مارح اتزوج وقفل الجوال ما رد بعدها