بسم الله الرحمن الرحيم
السلام عليكم ورحمة الله وبركاته
يابنات قريت موضوع قبل يومين عن اللي دعت لبنتها وهي تمشطلها بان الله يرزقها بواحد يحبها
مثل ما زوجها يحبها اللي هو ابو البنت وقالها استغفري وتبين انه ما قدر يحبها
ومن يومها وانا اتسال معقول الرجل يقدر يعيش مع زوجته حتى لو ما يحبها
والبارح وانا وزوجي سوالف قبل النوم وذكرت القصه بشوف رده قالي ايوه فيه حتى في حريم عايشين
مع رجال ما يحبوهم بس عندي تهون لاني اتوقع لان العصمه بيد الرجل ويقدر يريح نفسه ويطلق بس
الحرمه ما تقدر عشان كذا تحاول تتاقلم مع الوضع وتصبر طبعا هذا من منظوري
وبعدها قلت له والله على كذا انتم يالرجال مالكم امان قال وانتي الصادقه الرجل يفكر بعقله عكس الحرمه
ويقولي لاتنسي مع العشره والاولاد والموده والرحمه مثل ما ذكر في الايه الكريمه كلها تساعد الرجل
انه يعيش مع زوجه ما يحبها وبعض الحريم تكون جميله ونظيفه وطيبه ويمكن ما حبها بس في مقومات
تخليه يقدر يعيش معاها قلت تصدق ودي افتح قلبك واشوف تحبني ولا لا
قال وش بتستفيدين قلت اذا لقيتك تحبني كان بها ما تحبني باتركك كرامتي ماتسمح لي اعيش مع واحد مايحبني
وما رضي يجاوبني وانقهرت قلت بكره وانا امشط لبنتي دنيا وهي رايحه الروضه بادعي لها واشوف اش بتقول
جلس يضحك ولا رضي يبرد قلبي باجابه
قلت له تصدق اول ماتزوجنا كنت متاكده انك تحبني بس ذحين ما اظمنك
تتوقعوا يابنات مع الوقت والايام والمشاكل وبعض المواقف تقل المحبه والله من امس وانا افكر في هذا الموضوع
وشاغلني بالمره كيف ممكن الوحده تعرف اذا زوجها يحبها او لا
وعلى فكره لا تقولوا اذا يجيب لك طلباتك على طول معناتها يحبك زوجي يجيب طلباتي وفي بيته ما شاء الله
ماهو مقصر وكثير مثله ومن الواجب انه يجيبها وما هو دليل بس ارجع واقول كيف اعرف انه يحبني او لا
يعني صرت عادي عنده زوجه وام عيال وبس
ولكم خاااالص ودي
ام دنيا وغلا @am_dnya_oghla
عضوة فعالة
يلزم عليك تسجيل الدخول أولًا لكتابة تعليق.
من ناحيتي اشووف ان ممكن بعض الرجال يعيش مع وحده
مايحبها لان شفت نموذج
بس اشوف الأغلب اذا كرها ماتجلس عنده او ممكن يطلقها :(
مايحبها لان شفت نموذج
بس اشوف الأغلب اذا كرها ماتجلس عنده او ممكن يطلقها :(
وش لتس بهالوساويس
لو الحب هو من يعمر البيوت كان نصف البيوت فاضية
لكن المودة والرحمة والالفة ومخافة الله والعشرة هي الاساس
وبعدين الرجال لو يكره مايصبر دقيقة وحدة والضحايا عدي واغلطي
بس بعض الرجال يكابرون ولايظهرون الحب مخافة نقص رجولتهم لكن يعوضون ذلك بالتزامهم واحترامهم
الله يصلح الحال والاحوال
لو الحب هو من يعمر البيوت كان نصف البيوت فاضية
لكن المودة والرحمة والالفة ومخافة الله والعشرة هي الاساس
وبعدين الرجال لو يكره مايصبر دقيقة وحدة والضحايا عدي واغلطي
بس بعض الرجال يكابرون ولايظهرون الحب مخافة نقص رجولتهم لكن يعوضون ذلك بالتزامهم واحترامهم
الله يصلح الحال والاحوال
الصفحة الأخيرة
رجال يكرمك واللي في قلبه في قلبه ولا رجال يهينك ويحبك
مالك بالطويله عيشي حياتي واحمدي الله على العافيه
الله يديم عليك نعمته ويرزقك ما تتمنين ويسخرلك زوجك ويصلح عيالك