تجااااربكم لكي نرضع اطفالنا رضاعه طبيعيه .........

ليت وحدة من البنات تفيدنا ..ز لاني في طفلتي الاولى ولدت بعيد عن اهلي ومحد فهمني كيف الرضاعة او كيف ممكن احبب طفلي بالرضاعة كل اللي كنت اسمعه انتقادات من ام زوجي واخواته ليش ماارضعها دايم وانا ماكنت اعرف بنتي ليش ماترضع مني كثير ولا علموني بس انتقادات على الفاضي,, مارضعت الا ثلاثه شهور بعدين حملت بس ببنتي الثانية قررت اني استميت عشان ارضعها وبرضو مو هذيك الخبرة لكن على الاقل اهون من اختها سبعة شهور رضعتها وناوية ان شا الله اني ارضع طفلي القادم وبسأل كثير كيف اخليه يستمر بس من خلال ماسمعت انك المفروض ماتعوديه على الرضاعة العادية لكن عملية الرضاعة للطفل مجهدة من الصدر لكن من الرضاعة اسهل عشان كذا يحب الرضاعة ويرفض الصدر عشان كذا انتي حاةلي انك تقللي جدا عد الرضعات الصناعية وفي المستشفى على طول رضعيه قبل يعطوه صناعي .....وخلي نوماته على الرضاعة من صدرك يعني لمن تنوميه خليه يرضع من صدرك حتى لو ماكان جيعان.. يعني هذي اشياء بسيطة من خبرتي البسيطة..
والله يتمملك حملك .

موضوع حلو
نبغى نستفيد من الخبرات

فين الخبرات
طيب اللي مارضعوا اطفالهم منهم ايش السبب علشان نستفيد مو لازم بس اللي رضعوا فيه ناس يحاولون ومايقدرون ايش هو السبب

عن نفسي حبيبتي اول ماولدت قلت للدكتورة اني ناوية ارضع بنتي طبيعي لو ربنا مد لي بالحليب وهي حقيقة وتشكر على ذلك شجعتني عليها وفعلا بعد ساعتين جبوهالي وحاولت ارضعها رغم ان الحلمة كانت داخلة لجوة وشفطت شوي ونامت بعدها حاولت تاني وثالث لغاية ماتعودت عالرضاعة الطبيعية ولغاية الان مازالت بترضع مني والحمد لله على نعمته وما بترضى ترضع رضاعة صناعية ابدا ومن ادرار الحليب المية ثم المية ثم المية لازم 3 تشربي 3لترات من المية يوميا ث حتى ولو بالغصب عشان سلامة وليدك ثم العصائر والاكل الكويس خصوصا الخس والجرجير وربنا يتمم لك على خير غاليتي اسعد امراة ويمن عليك بكثرة الحليب عشان يستفيد منه وليدك ويحفظهولك من كل شر امين يارب العالمين

بالعكس الطفل يحب الرضاعه الطبيعيه اكتر من الصناعي يعني لو بداتي ترضعي طبيعي و تلتزمي بيه الطفل حيتعود و محيرضى يرضع صناعي حتى لو بتدي رضعه او اتنين في اليوم مو مشكله في البدايه بس على عمر شهر و نص شهرين كتريله صدرك لأنه بيبدأ يوعى شوي

اما لو انتي مابتديله صدرك فشي طبيعي حيكون مايبغا غير الرضاعه